گوگل نیوز پر ہمیں فالو کریںآج سے 12 سال قبل شوبز انڈسٹری میں قدم رکھنے والی ماہرہ خان کی شادی معروف کاروباری شخصیت سلیم کریم سے ہوئی جس کی یادگار تقریب میں دوست احباب نے شرکت کی۔ شادی کی تصاویر سوشل میڈیا پر وائرل ہوگئیں۔
کاروباری شخصیت سلیم کریم اور ماہرہ خان طویل عرصے تک قریبی دوست رہے اور آج سے 3 روز قبل ان کی شادی بھوربن کے پرل کانٹیننٹل ہوٹل میں ہوئی جس کے خوبصورت نظاروں نے شادی کی تقریب کو چار چاند لگا دئیے۔
آئمہ بیگ نے خودکشی کی کوشش کیوں کی؟
شادی کی تصاویر سوشل میڈیا پر وائرل ہوگئیں جن میں ماہرہ خان اور سلیم کریم کو مختلف انداز میں ایک ساتھ دیکھا جاسکتا ہے۔ شوبز انڈسٹری میں ماہرہ خان کی شادی کی تقریب کیلئے ماہرہ خان کے لباس کی تعریف کی جارہی ہے۔
عموماً شادی کیلئے سرخ جوڑا زیبِ تن کیا جاتا ہے تاہم ایک روایتی شادی سے ہٹ کر ماہرہ خان کے خوبصورت لباس اور خوبصورت فوٹو گرافی کے ذریعے حسین مناظر کی دلکشی نے تقریب کا لطف دوبالا کردیا۔
پاکستانی اسٹارٹ اپ بزنس سمپیسہ کے سی ای او سلیم کریم کراچی میں قائم کمپنی چلا رہے ہیں جس کا کام رقم کے لین دین سے متعلق ہے۔
اداکارہ ماہرہ خان کی طرح سلیم کریم ایک ڈی جے بھی ہیں۔ ڈراموں میں اداکاری سے قبل ماہرہ خان نے 2006 میں وی جے کی حیثیت سے اپنے کیرئیر کا آغاز کیا تھا۔
شادی کی تقریب میں دولہا اور دلہن کی خوشی دیدنی رہی۔ ماضی میں بطور وی جے ماہرہ خان کا شو ایم ٹی وی پر ہفتے کے تین روز نشر ہوتا رہا۔
طویل عرصے تک رفاقت کے بعد شادی کا فیصلہ دونوں نے باہمی رضامندی سے کیا۔ ماہرہ خان نے 2017 کے آغاز میں ایک ٹی وی ایپ کی افتتاحی تقریب میں سلیم کریم کے ساتھ شرکت کی تھی۔
اپنے انسٹاگرام اکاؤنٹ سے ماہرہ خان نے اپنی شادی کی تصاویر خود شیئر کیں جو دیکھتے ہی دیکھتے وائرل ہوگئیں۔ مداحوں کی ایک کثیر تعداد نئے شادی شدہ جوڑے کیلئے نیک تمناؤں کا اظہار کررہی ہے۔
