سابق صدر پی ٹی آئی کراچی ڈویژن اور رکنِ سندھ اسمبلی خرم شیر زمان نے کہا ہے کہ آئی جی مشتاق مہر کو ہٹانا سندھ حکومت کا اچھا اقدام قرار دیا جاسکتا ہے تاہم ہمیں ایک فل ٹائم وزیرِ داخلہ کی بھی ضرورت ہے۔
سماجی رابطے کی ویب سائٹ ٹوئٹر پر اپنے پیغام میں سندھ اسمبلی میں پی ٹی آئی کے رکن خرم شیر زمان نے کہا کہ مشتاق مہر کو آئی جی سندھ کے عہدے سے ہٹانا پہلا اچھا قدم قرار دیاجاسکتا ہے۔
ووٹ کو عزت دو کہنے والے آج بھیک مانگ رہے ہیں، شیخ رشید
ٹوئٹر پیغام میں خرم شیر زمان نے کہا کہ اس اچھے اقدام کے ساتھ ساتھ سندھ کو ایک فل ٹائم وزیرِ داخلہ کی ضرورت ہے۔ مراد علی شاہ کو وزیرِ داخلہ کا عہدہ چھوڑ کر کسی اور کو یہ اہم وزارت دینی چاہئے۔
The removal of Mushtaq Mahar as IG Sindh might be a good first step but at the same time, we need a fulltime Interior Minister. Thus, CM Sindh @MuradAliShahPPP must stop being the Interior Minister and appoint someone to run this vital ministry.
— Khurrum Sher Zaman NA-241 (@KhurumSherZaman) May 18, 2022
ایک اور ٹوئٹر پیغام میں تحریکِ انصاف کے رہنما خرم شیر زمان نےکہا کہ عملہ ہسپتال کا فضلہ گلیوں میں پھینک رہا ہے۔ وزیرِ صحت، وزیرِ بلدیات سندھ اور ایڈمنسٹریٹر کراچی کہاں ہیں؟
ہسپتال کا فضلہ سڑک پر پھینکنے کی مذمت کرتے ہوئے خرم شیر زمان نے کہا کہ سندھ میں نااہل پیپلز پارٹی کچرا اٹھانے میں ناکام ہے۔ ہمیں صوبہ سندھ کی حالتِ زار پر افسوس ہوتا ہے۔
Just pathetic that staff is dumping hospital waste on the streets. Where is Sindh Health Minister, Local Govt Minister & Karachi Administrator? 14 years of PPP incompetence in Sindh & still can't collect waste. Pity this province.https://t.co/pKldeYuBBr
— Khurrum Sher Zaman NA-241 (@KhurumSherZaman) May 18, 2022