گوگل نیوز پر ہمیں فالو کریںبھارتی کامیڈین کپل شرما کے ہاں بیٹا پیدا ہوا ہے جس کے بعد انہوں نے خوشی کا اظہار کرتے ہوئے مداحوں کو یہ خوشخبری خود سنائی۔
سماجی رابطے کی ویب سائٹ ٹوئٹر پر اپنے پیغام میں معروف بھارتی کامیڈین اور فلم ایکٹر کپل شرما نے کہا کہ ہمارے گھر میں آج صبح کے وقت ایک ننھا مہمان آیا ہے۔
بیٹے کی خیر و عافیت سے پیدائش پر خدا کا شکر ادا کرتے ہوئے کپل شرما نے کہا کہ خدا کے فضل سے بچہ اور ماں دونوں ٹھیک ہیں اور ہم لوگ بہت خوش ہیں۔
اداکار کپل شرما نے اس موقعے پر مداحوں کا شکریہ ادا کرتے ہوئے کہا کہ میرے بچے کی خیر و عافیت سے پیدائش کیلئے آپ نے جو دعائیں دیں اور نیک تمناؤں کا اظہار کیا، اس کیلئے شکر گزار ہوں۔
کپل شرما نے کہا کہ میری اہلیہ گنی اور میں اپنے مداحوں کی محبتوں اور نیک تمناؤں پر ان کا شکریہ ادا کرتے ہیں اور ہماری محبت بھی مداحوں کیلئے ہے۔
Namaskaar 🙏 we are blessed with a Baby boy this early morning, by the grace of God Baby n Mother both r fine, thank you so much for all the love, blessings n prayers 🙏 love you all ❤️ginni n kapil 🤗 #gratitude 🙏
— Kapil Sharma (@KapilSharmaK9) February 1, 2021
مداحوں نے کپل شرما کیلئے تہنیتی پیغامات کے تحائف اور مبارکبادوں کے ڈھیر لگا دئیے ہیں۔ اب تک 66 ہزار 900 افراد نے کپل شرما کے ہاں بیٹے کی پیدائش کے پیغام کو پسند کیا جبکہ 8 ہزار 500 افراد اس پر مختلف تبصرے کرچکے ہیں۔
یہ بھی پڑھیں: کپل شرما کب پاکستان آرہے ہیں؟ تفصیلات سامنے آگئیں
