لاہور: پاکستان تحریک انصاف کے سینئر رہنما جہانگیر ترین نے کہا ہے کہ آزادی مارچ کی فنڈنگ سے متعلق کافی اطلاعات ہیں، انہیں بڑی فنڈنگ ملی ہے،ہمیں معلوم ہے کہ فنڈنگ کہاں سے ہو رہی ہے، تاجر برادری نے آزادی مارچ کیلئے ایک پیسہ بھی نہیں دیا۔
نجی ٹی وی سے گفتگو کرتے ہوئےجہانگیرترین نے کہا کہ جے یو آئی (ف) کو فنڈنگ سے متعلق وضاحت دینی چاہیے، یہ تمام چیزیں پیسے کے بغیر نہیں ہو سکتیں،اخراجات سے متعلق ایک دن سوال اٹھیں گے۔انہوں نے کہا کہ مولانا فضل الرحمان اب تنہا ہیں، انہیں عوام میں پذیرائی حاصل نہیں ہے۔
جہانگیرترین کاکہناتھاکہ آزادی مارچ میں کوئی مسئلہ نہیں چاہتے اس لیے چپ ہیں۔ حکومت آزادی مارچ کیخلاف کوئی مزاحمت نہیں کرے گی، ہم چاہتے ہیں یہ لوگ اپنا جمہوری حق استعمال کریں۔ انہیں کھلی چھٹی دی ہے اور کوئی رکاوٹ کھڑی نہیں کریں گے۔
انہوں نےکہاکہ حکومت ذمہ داری کا مظاہرہ کرے گی لیکن شرپسند عناصر کیلئے حکومت کو تیار رہنا پڑتا ہے۔ ریڈ زون جانے والے راستے کنٹینرز سے بلاک کئے گئے ہیں۔
مزید پڑھیں: آزادی مارچ:جلسہ ملتوی کرنےکے حوالے سے اپوزیشن کے متضاد بیانات