مظفر آباد: صدرِ آزاد کشمیر سردار مسعود خان نے کہا ہے کہ بھارت کورونا وائرس کے نام پر مظلوم کشمیریوں کے انسانی حقوق کا استحصال کر رہا ہے۔
سماجی رابطے کی ویب سائٹ ٹوئٹر پر اپنے پیغام میں آزاد کشمیر کے صدر سردار مسعود خان نے کہا کہ بھارت کورونا وائرس کو کشمیر میں انسانی حقوق کی پامالی کے لیے استعمال کر رہا ہے جو مقبوضہ جموں و کشمیر میں بھارت کے حالیہ ظلم و ستم سے واضح ہے۔
صدرِ آزاد کشمیر مسعود خان نے کہا کہ کشمیر میں لاک ڈاؤن کے دوران کشمیری صحافیوں پر کریک ڈاؤن اور پالیسی سازی کے نام پر شہریتی حقوق کا استحصال کیا گیا جبکہ کرفیو کے دوران عائد پابندیوں کو کورونا وائرس کے نام پر شہ دی گئی۔
سردار مسعود خان نے کہا کہ بھارتی حکومت کورونا وائرس جیسی عالمی وباء کو مقبوضہ جموں و کشمیر کو اپنی نوآبادیات قرار دینے کے لیے استعمال کرنے میں مصروف ہے جس کے تحت مقبوضہ کشمیر میں ظلم و ستم کو تیز کیا جارہا ہے۔
India uses coronavirus to exploit human rights in Kashmir. Ongoing developments include crackdown on Kashmiri journalists, rising policing powers and enhanced curfew measures….the Indian govt may be exploiting the pandemic to accelerate its settler-colonial ambitions – O Aijazi
— Masood Khan (@Masood__Khan) May 11, 2020