معروف بولی ووڈ اداکار پلکت سمراٹ ان دنوں اداکارہ کریتی کھربندا کے ساتھ اپنی شادی کو لے کر میڈیا کی سرخیوں میں چھائے ہوئے ہیں۔
جوڑے کی شادی کا دعوت نامہ لیک ہونے کے بعد یہ بحث ہو رہی ہے کہ بالی ووڈ کا یہ مشہور جوڑا 13 مارچ کو شادی کے بندھن میں بندھنے جا رہا ہے۔
انڈین نیوز سائٹ نیوز 18 کے مطابق یہ پلکت سمراٹ کی اداکارہ کریتی کھربندا کے ساتھ دوسری شادی ہے۔ اداکار کی پہلی شادی پر بھی خوب بحث ہوئی تھی، پلکت اور ان کی پہلی بیوی کے دمیان طلاق بھی کئی سالوں تک میڈیا میں موضوع بحث بنی رہی تھی۔
پلکت سمراٹ نے اپنی بچپن کی دوست شویتا روہیرا سے 2014 میں بڑی دھوم دھام سے شادی کی تھی لیکن شادی کے ایک سال کے اندر ہی دونوں نے علاحدگی اختیار کرلی۔
پلکت شویتا کے علاوہ ٹی وی اور فلم انڈسٹری کے کئی ایسے جوڑے ہیں جنہوں نے بڑی دھوم دھام سے شادی تو کی، لیکن ان کی شادی زیادہ دیر نہیں چل سکی۔ آئیے ہم آپ کو ایسے 7 جوڑوں کے بارے میں بتاتے ہیں۔
ٹی وی اور بھوجپوری انڈسٹری کی مشہور اداکارہ رشمی دیسائی نے ساتھی اداکار نندیش سنگھ سندھو سے شادی کی تھی۔ اس جوڑے کی ملاقات مقبول ٹی وی شو ‘اترن’ کے سیٹ پر ہوئی تھی۔ سیٹ پر ہونے والی ملاقات رفتہ رفتہ محبت میں بدل گئی اور بالآخر دونوں نے شادی کر لی۔ رشمی دیسائی اور نندیش سندھو کی شادی 2011 میں ہوئی تھی اور جوڑے نے 2016 میں طلاق لے لی۔
نوجوانوں کے مقبول شو ‘دل مل گئے’ کے سیٹ پر جینیفر ونگٹ اور کرن سنگھ گروور کے دل اس طرح ملے کہ دونوں نے فوراً شادی کر لی۔ اداکار کرن سنگھ گروور کی جینیفر ونگٹ کے ساتھ یہ دوسری شادی تھی لیکن یہ شادی بھی زیادہ نہیں چل سکی۔ جینیفر اور کرن نے 2012 میں شادی کی اور 2014 میں دونوں ایک دوسرے سے الگ ہو گئے۔
شویتا تیواری نے 1998 میں ہدایت کار راجہ چودھری سے شادی کی تھی اور 2007 میں طلاق لے لی۔ اس شادی سے شویتا کی ایک بیٹی ہے۔ 2013 میں اس نے ابھینو کوہلی سے دوسری شادی کی اور ان کا رشتہ بھی 2019 میں ٹوٹ گیا۔
اداکار سچن شراف نے ‘کمکم’ سیریل سے مشہور ہوئی اداکارہ جوہی پرمار سے شادی کی تھی۔ جوڑے نے 2009 میں شادی کی اور 2018 میں طلاق ہوگئی۔ اب سچن شراف دوسری شادی کرکے نئی زندگی کا آغاز کرچکے ہیں۔
ردھی ڈوگرا اور راکیش باپٹ نے سیریل ‘مریادہ لیکن کب تک’ میں ایک ساتھ کام کیا تھا۔ اس سیریل میں ایک ساتھ کام کرنے کے دوران اس جوڑے کی قربتیں بڑھیں اور 2011 میں دونوں کی شادی ہوئی، تاہم 2019 میں دونوں نے علاحدگی اختیار کرلی۔
سنجیدہ شیخ اور عامر علی ٹی وی کے مقبول ترین جوڑوں میں سے ایک تھے۔ سنجیدہ شیخ اور عامر علی کی شادی 2012 میں ہوئی اور 2022 میں دونوں میں طلاق ہو گئی۔ اس جوڑے کی علاحدگی کی وجہ سنجیدہ شیخ اور ہرش وردھن رانے کی بڑھتی قربتیں بتائی جاتی ہے۔