لاہور: وزیرِ اعلیٰ پنجاب کی معاونِ خصوصی برائے اطلاعات فردوس عاشق اعوان نے مریم نواز پر تنقید کرتے ہوئے کہا ہے کہ جعلی راجکماری کی آمد سے بی بی شہید کی روح تڑپ اٹھی ہوگی۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی فردوس عاشق اعوان نے کہا کہ جعلی رجکماری کی گڑھی خدا بخش آمد سے ذوالفقار بھٹو اور بی بی شہید کی روح تڑپ اٹھی ہوگی کہ انکی سیاست اور وراثت پر قابض گروہ نے ان کی قربانیوں کو ذاتی مفاد پر قربان کر دیا۔
پیغام میں سابق وزیرِ اعظم نواز شریف کا تعلق فوجی آمر سے جوڑتے ہوئے فردوس عاشق اعوان نے کہا کہ پیپلز پارٹی نے ضیاء الحق کے منہ بولے بیٹے اور اسکی باقیات کو گلے لگا کر بھٹو اور بی بی شہید کے جمہوری فلسفےکو تار تار کردیاہے۔
معاونِ خصوصی فردوس عاشق اعوان نے کہا کہ یقیناً بی بی شہید کےخلاف کی جانےوالی سیاہ کار یوں کےحوالےسے جعلی راجکماری نے اپنےچچا شہباز شریف اوروالد نواز شریف کی طرف سے بی بی شہید کی قبرپرکھڑے ہوکرمعذرت بھی ضرور کی ہو گی۔
پیپلز پارٹی پر شدید تنقید کرتے ہوئے فردوس عاشق اعوان نے کہا کہ بھٹو کےاصل وارث دربدرہیں جبکہ بھٹو کی وراثت اور سیاست پر ناجائز قابضین جمہوریت کےخلاف سازشیں کرنے میں مصروف عمل ہیں۔
یقیناًبی بی شہیدکےخلاف کی جانےوالی سیاہ کار یوں کےحوالےسےاپنےچچااوروالدکی طرف سےقبرپرکھڑےہوکرجعلی راجکماری نےمعزرت بھی ضرور کی ہو گی۔بھٹو کےاصل وارث دربدر جبکہ بھٹو کی وراثت اور سیاست پر ناجائز قابضین جمہوریت کےخلاف سازشیں کرنے میں مصروف عمل ہیں۔
— Dr. Firdous Ashiq Awan (@Dr_FirdousAwan) December 27, 2020
فردوس عاشق اعوان نے کہا کہ جس ٹولے نے بھٹو کے حقیقی ورثاء کو حق نہیں دیا وہ سندھ کے مظلوم عوام کو انصاف کیسے دے سکتا ہے؟
جس ٹولے نے بھٹو کے حقیقی ورثہ کو حق نہ دیا وہ سندھ کی مظلوم عوام کوکیا انصاف دینگے!
— Dr. Firdous Ashiq Awan (@Dr_FirdousAwan) December 27, 2020
یہ بھی پڑھیں: سکھر میں مریم نواز کے طعام کیلئے ہرن، تیتر اور بٹیر کا گوشت پیش