فیصل آباد:تحریک انصاف کے مرکزی رہنما اور وفاقی وزیر برائے سائنس اینڈ ٹیکنالوجی فواد چوہدری نے ایک شادی کی تقریب کے دوران ٹی وی اینکر مبشرلقمان کو تھپڑ رسید کر دیا۔
ذرائع کے مطابق پاکستان تحریک انصاف کے رہنما جہانگیر ترین، اسحاق خاکوانی اور وفاقی وزیرفواد چوہدری محسن لغاری کے بیٹے کی دعوت ولیمہ میں بات چیت کر رہے تھے کہ ٹی وی اینکر مبشرلقمان کے آتے ہی فواد چوہدری کا ان سے جھگڑا ہو گیا۔
ذرائع کا کہنا ہے کہ وفاقی وزیرفواد چوہدری نے پہلے مبشر لقمان کو تھپڑا مارا جس کے بعد دونوں گتھم گتھا ہو گئے۔تقریب میں موجود دیگر شخصیات نے دونوں کے درمیان بیچ بچاو کرایا۔
مبشر لقمان جیسے لوگوں کا صحافت سے کوئ تعلق نہیں یہ وہ طوائفیں ہیں جوصحافت میں گھس گئ ہیں، ایسے صحافتی دلالوں کو بے نقاب کرنا سب کا فرض ہے۔ https://t.co/5YQhc8eQMK
— Ch Fawad Hussain (@fawadchaudhry) January 5, 2020
ٹی وی اینکر مبشر لقمان نے اپنے شو میں نے ٹک ٹاک اسٹار حریم شاہ سے متعلق وفاقی وزیرفواد چوہدری پر الزام لگایا تھا۔
وزیر سائنس وٹیکنالوجی فواد چوہدری نے اپنے ردعمل میں کہا تھاکہ ایسے اینکر کا صحافت سےکوئی تعلق نہیں ہے، صحافت میں گھسے ایسے لوگوں کو بےنقاب کرنا سب کا فرض ہے۔
مزید پڑھیں: خیبرپختونخوا حکومت نے میٹرک پاس اکبر ایوب کو وزارت تعلیم کا قلمدان سونپ دیا