گوگل نیوز پر ہمیں فالو کریںکراچی: وزیرِ مملکت برائے بحری امور سیّد علی حیدر زیدی نے کہا ہے کہ وزیرِ اعظم کے احساس ایمرجنسی کیش پروگرام کا پیغام 8171 کے علاوہ کسی اور نمبر سے نہیں آسکتا۔
سماجی رابطے کی ویب سائٹ ٹوئٹر پر مسلم لیگ (ن) کے سینئر رہنما اور سابق وزیرِ داخلہ احسن اقبال نے کہا کہ احساس ایمرجنسی کیش کے نام پر فراڈ ہو رہا ہے اور میرے فون نمبر پر یہ پیغام آیا جس میں کہا گیا ہے کہ آپ کو احساس ایمرجنسی پروگرام سے 12 ہزار روپے ملے ہیں۔
پیغام پر ردِ عمل دیتے ہوئے وزیرِ مملکت برائے بحری امور علی حیدر زیدی نے کہا کہ حکومت ہر ایک کو مسلسل بتا رہی ہے کہ احساس ایمرجنسی کیش پروگرام کے لیے جو بھی پیغام آنا ہوگا، 8171 سے آئے گا۔
وفاقی وزیر علی زیدی نے کہا کہ یہ لوگ اپنا دماغ کہیں رکھ کر بھول گئے ہیں۔ عوام کو دھوکا دینے کے لیے نجی نمبرز سے پیغامات بھیجے جا رہے ہیں جنہیں آسانی سے پکڑا جاسکتا ہے۔
Govt has been constantly informing everyone that the message will come from 8171
I mean these guys have seriously lost whatever little they had between their ears. https://t.co/4JUYMl9215— Ali Haider Zaidi (@AliHZaidiPTI) May 5, 2020
