بھارت کی اہم ترین شوبز شخصیات مکیش امبانی کے بیٹے آننت امبانی اور رادیکھا مرچنٹ کی کوکٹیل نائٹ میں شریک ہوئیں اور مختلف خوبصورت تصاویر کھنچوائیں۔
گزشتہ شب ہونے والی تقریب کی میزبانی آننت امبانی اور رادھیکا مرچنٹ نے بھارت کے شہر جمنا نگر میں کی۔ تقریب میں بالی ووڈ کے ستاروں نے اپنی شرکت اور موجودگی سے سماں باندھ دیا۔
بھارت کے متمول ترین امبانی خاندان کے چشم و چراغ آننت امبانی رواں برس رادھیکا مرچنٹ سے شادی کریں گے اور بھارتی شہر جمنا نگر میں شادی سے قبل ہی بھاری بھرکم تقریبات کا سلسلہ شروع کردیا گیا۔
قبل ازیں آننت امبانی اور رادھیکا مرچنٹ کیلئے بھارتی ثقافت میں پہلے سے مشہور ”روکا“ کی تقریب منعقد ہوئی جو بھارتی ریاست راجستھان میں دسمبر 2021 میں جبکہ اس جوڑے کی منگنی جنوری 2019 میں ہوئی تھی۔
تین روزہ تقریبات میں شام کی تقریب اور جنگل کی تھیم پر مبنی پارٹی جس کا نام اے واک آن وائلڈ سائیڈ رکھا گیا ہے جو امبانی اینیمل ریسکیو سینٹر میں منعقد کی جائے گی۔
دلچسپ طور پر تقریبات میں بھارتی فلم اسٹارز کے علاوہ عالمی ستاروں کو بھی مدعو کیا گیا ہے جن میں ریحانہ، فیس بک کے روحِ رواں مارک زکربرگ اور اہلیہ کے علاوہ بل گیٹس بھی شامل ہیں۔
شادی سے قبل مختلف تقریبات کے اہتمام کا مقصد امبانی خاندان کی جانب سے نہ صرف شادی کے متعلق بھارت کے شہریوں کو آگاہ کرنا بلکہ اپنے جاہ و حشم کا اظہار بھی ہے جس پر سوشل میڈیا صارفین کا ملا جلا ردِ عمل سامنے آیا ہے۔