گوگل نیوز پر ہمیں فالو کریںچینی وزیر خارجہ وانگ ژی کا کہنا ہے کہ کورونا وائرس کے حوالے سے چینی حکومت پاکستانی کمیونٹی کی ہر ممکن مدد کر رہی ہے اور ان کو اپنے شہریوں کی طرح سہولیات فراہم کر رہی ہے۔
وزیر خارجہ شاہ محمود قریشی نے چینی ہم منصب وانگ ژی سے ٹیلفونک رابطہ کیا جس میں چین میں کورونا وائرس کے حملے اوراس سے متاثرہ علاقوں کی صورتحال کے حوالے سے تفصیلی تبادلہ خیال کیا گیا۔
چینی وزیر خارجہ نےچین کے مختلف علاقوں میں کورونا وائرس کے حملے اور چینی حکومت کی جانب سے اٹھائے گئے تمام حفاظتی اقدامات سے شاہ محمود قریشی کو آگاہ کرتے ہوئے کہا کہ عالمی ادارہ صحت (ڈبلیو ایچ او) نے کورونا وائرس کی روک تھام کے حوالے سی چینی حکومت کی کوششوں کو سراہا ہے۔
انہوں نے کہا کہ چینی حکومت پاکستانی برادری کی ہر ممکن مدد کر رہی ہے اور ان کو اپنے شہریوں کی طرح سہولیات فراہم کر رہی ہے، چین میں زیر تعلیم طلباء کو اس وبا سے بچانے کیلئے حکومت اپنے تمام تر وسائل بروئے کار لا رہے ہیں ۔
یہ بھی پڑھیں: اپوزیشن کا خصوصی طیارہ بھیج کر پاکستانی طلبہ کو چین سے واپس لانے کا مطالبہ
