گوگل نیوز پر ہمیں فالو کریںاسلام آبا د: عالمی مارکیٹ میں سونے کی قیمت میں کمی کے بعد مقامی سطح پر بھی سونا 1800 روپے سستا ہوگیا۔ فی تولہ سونا 1800 روپے کمی کے بعد 2 لاکھ 13 ہزار 600 روپے کا ہوگیا۔
ایسوسی ایشن کے مطابق دس گرام سونا 1543 روہے سستا ہوگیا۔دس گرام سونا 1543 روہے کمی کے بعد 1 لاکھ 83 ہزار 128 روپے کا ہوگیا۔
عالمی صرافہ بازار میں سونا 13 ڈالرز کمی کے بعد 2005 ڈالرز فی اونس کا ہوگیا، جبکہ چاندی کی فی تولہ قیمت 2600 روپے پر مستحکم رہی۔
دوسری جانب پاکستان اسٹاک مارکیٹ میں آج کاروباری روز کے دوران تیزی کا سلسلہ جاری رہا، مارکیٹ میں کاروبار کے اختتام پر 414 پوائنٹس کا اضافہ ریکارڈ کیا گیا۔
پاکستان اسٹاک مارکیٹ میں آج کاروبار کے دوران کے ایس ای 100انڈیکس 66 ہزار 426 پوائنٹس پر بند ہوا۔ مارکیٹ میں انڈیکس تیزی کے باعث 66ہزار 604 کی بلند سطح پر ٹریڈ ہوا۔
مارکیٹ میں کاروبار کے دوران 26 ارب روپے مالیت کے 96 کروڑ حصص کا کاروبار ہوا۔مارکیٹ میں 243 کمپنیوں کے حصص میں اضافہ 127 کمپنیوں کے حصص میں کمی ہوئی۔
