گوگل نیوز پر ہمیں فالو کریںکراچی: سابق وزیرِ بحری امور اور تحریکِ انصاف سندھ کے صدر علی زیدی نے شیریں مزاری کی رہائی پر دلچسپ تبصرہ کرتے ہوئے کہا ہے کہ میں ان کو 20سال سے جانتا ہوں، جن بے وقوفوں نے گرفتاری کی، اللہ ان پر رحم فرمائے۔
سماجی رابطے کی ویب سائٹ ٹوئٹر پر اپنے پیغام میں پی ٹی آئی سندھ کے صدر سید علی حیدر زیدی نے کہا کہ میں شیریں مزاری کو کم و بیش 2 عشروں سے جانتا ہوں۔ وہ بے خوف اور بے باک رہنما ہیں۔
ٹوئٹر پیغام میں سابق وزیرِ بحری امور علی زیدی نے کہا کہ شیریں مزاری ایک پر عزم پاکستانی ہیں۔ ہوسکتا ہے کہ آپ کو ان سے اختلاف ہو مگر ایسا سوچ سمجھ کر کریں۔
پیغام میں علی زیدی نے کہا کہ شیریں مزاری سے اختلاف اپنی ہی صوابدید پر کیا جاسکتا ہے۔ انہیں گرفتار کرنے والے بے وقوفوں پر اللہ ہی رحم کرے۔ میڈم مزاری کو رہائی پر خوش آمدید کہتے ہیں۔
Have known @ShireenMazari1 now for almost 2 decades!
She’s a fearless, straight forward, green blooded passionate Pakistani!
U may disagree with her, but at ur own risk. Those who were stupid enough to arrest her, may Allah have mercy on them 😊
Welcome back Madame Mazari!— Ali Haider Zaidi (@AliHZaidiPTI) May 22, 2022
خیال رہے کہ سابق وفاقی وزیرِ انسانی حقوق ڈاکٹر شیریں مزاری کو گزشتہ روز گرفتار کیا گیا جس کے دوران ان سے بد تمیزی کے الزامات بھی سامنے آئے۔ وزیر اعلیٰ حمزہ شہباز نے شیری مزاری کی رہائی کا حکم دیا تھا۔
