گوگل نیوز پر ہمیں فالو کریںنئی دہلی: ہومبلے فلمز کا سالار پارٹ 1 سیزفائر نے پوری دنیا میں زبردست کامیابی کے جھنڈے گاڑے ہیں، اس فلم نے اپنی جذباتی گہرائی اور کہانی کے ساتھ شائقین کے ساتھ ایک تعلق جوڑ لیا ہے۔
فلم نے باکس آفس پر اپنی صلاحیتوں کا لوہا منوایا،عالمی سطح پر 725 کروڑ روپے سے زیادہ کی بھاری کمائی کی اور دنیا بھر کے شائقین سے بے پناہ محبت حاصل کی۔
OTT پلیٹ فارم Netflix پر ٹاپ 10 فلموں کی فہرست میں‘سالار’پہلی پوزیشن حاصل کرچکی ہے، فلم کا ہندی ورژن اب بھی ملک بھر کے سینما گھروں میں چل رہا ہے، فلم کو حال ہی میں ڈیجیٹل پلیٹ فارم نیٹ فلکس پر تمل، تیلگو، کنڑ اور ملیالم زبانوں میں دکھایا گیا تھا اور اس نے اپنی ڈیجیٹل ریلیز پر بھی زبردست دھوم مچائی ہے۔
بڑے پردے پر اس فلم نے شائقین کو ایڈرینالین رش کے ساتھ ساتھ کافی تفریح فراہم کی ہے، اب شائقین فلم‘سالار پارٹ 2: شوریانگ پرو’کے سیکوئل کا انتظار کرنے میں مصروف ہیں۔
پربھاس کی سالار کا بجٹ تقریباً 270 کروڑ روپے بتایا جاتا ہے، لیکن فلم نے دنیا بھر میں تقریباً 725 کروڑ روپے کما چکی ہے۔
