گوگل نیوز پر ہمیں فالو کریںکراچی:پاکستان پیپلز پارٹی کے رکن قومی اسمبلی عبدالقادر پٹیل نے کہا ہے کہ سویابین کے ذرات ہوا کے ذریعے علاقے میں پھیلے، سویابین کے جہاز کو اس مرتبہ الگ طریقے سے خالی کیاگیا۔
جس کی وجہ سے اس کے ذرات پھیلے،ایک کوتاہی ہوئی ہے اس کو تسلیم کرنے میں کیا حرج ہے، لوگ سمجھے کہ انھیں منصوبہ بندی کے تحت بے دخل کیا جا رہا ہے جبکہ میئر کراچی وسیم اختر نے کہاہے کہ سندھ اور وفاقی حکومتوں کی جانب سے کیماڑی واقعے پر سنجیدگی نہیں دکھائی گئی۔
خصوصی گفتگو کرتے ہوئے قادر پٹیل نے کہا کہ سی ٹی ڈی انسپکٹر کا 19 سال کا بیٹا اسپتال پہنچنے سے پہلے چل بسا، علاقے میں خوف کی فضا تھی، لوگ گھر چھوڑ کر جا رہے تھے، ہم شروع سے کہہ رہے تھے کہ واقعے کی انکوائری کرائیں۔
ہم نے یہ شک بھی ظاہر کیا تھا کہ واقعے کا تعلق کے پی ٹی سے ہو سکتا ہے، جہاز کو خالی کرانے سے روکا گیا تو آج صورت حال کچھ بہتر ہوئی ہے۔انہوں نے کہاکہ پہلے دن کے پی ٹی اسپتال میں متاثرہ افراد کو داخل نہیں ہونے دیا گیا۔
مزید پڑھیں:زہریلی گیس سے قیمتی جانوں کے ضیاع کے بعد وفاق اور سندھ حکومت ایک پیج پر آ گئے
