گوگل نیوز پر ہمیں فالو کریںاسلام آباد: وزیرِ اعظم پاکستان عمران خان نے کہا ہے کہ ہم نے دیارِ غیر میں پھنسے ہوئے پاکستانیوں کو وطن واپس لانے کا وعدہ پورا کردیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ آج کل بین الاقوامی فضائی سفر میں بے شمار رکاوٹوں کے باوجود ہم نے اپنا یہ وعدہ پورا کیا کہ ہم دیارِ غیر میں پھنسے ہوئے پاکستانیوں کو وطن واپس لائیں گے۔
وزیرِ اعظم عمران خان نے کہا کہ ہم نے وعدہ کیا تھا کہ ہم سمندر پار کام کرنے والے پاکستانیوں کو واپس لائیں گے اور آج تک 2 لاکھ 50 ہزار پاکستانیوں کو دُنیا بھر سے وطن واپس لایا جاچکا ہے۔ وفاقی حکومت ہر ممکن طریقے سے سمندر پار پاکستانیوں کی مدد جاری رکھے گی۔
Despite massive disruptions in global air travel, we have fulfilled our promise of bringing back stranded Pakistanis & our overseas workers.250,000 Pakistanis from around the world have been brought home. My govt will continue to support overseas Pakistanis in every way possible
— Imran Khan (@ImranKhanPTI) July 18, 2020
یاد رہے کہ اِس سے قبل وفاقی حکومت متحدہ عرب امارات میں پھنسے پاکستانیوں سے زائد کرائے وصول کئے جانے پر حرکت میں آگئی۔بعض ایجنٹوں کی جانب سے 2000 درہم سے بھی زائد کرائے وصول کئے گئے جس کا وزیرِ اعظم نے نوٹس لے لیا۔
رش کے باعث پی آئی اے نے دبئی اور ابوظہبی میں کونسل خانوں اور اپنے دفاتر کے ساتھ ساتھ ایجنٹوں کو بھی اجازت دے دی تھی، وزیر ہوابازی غلام سرور نےگزشتہ ماہ پی آئی اے کو کرائے کنٹرول کرنے کی ہدایات جاری کردیں۔
مزید پڑھیں: پاکستانیوں سے زائد کرائے وصول کئے جانے پر وزیراعظم کا نوٹس
