گوگل نیوز پر ہمیں فالو کریںرمضان المبارک کے دوران مسجد نبوی میں روزہ داروں اور نمازیوں کی عبادت میں سہولت اور راحت و آرام کی خاطر غیر معمولی اقدامات اور سیکورٹی کے فول پروف انتظامات کیے گئے ہیں۔
روزہ داروں اور نمازیوں کو سیکورٹی فراہم کرنے کا مقصد انہیں پرسکون ماحول میں عبادت کرنےکی سہولت فراہم کرنا ہے۔ مسجد نبوی ﷺکے انتظامی امور کے نگران ادارے کی طرف سے مسجد نبوی شریف اور روضہ مبارک میں چوبیس گھنٹے سکیورٹی کے فول پروف انتظامات کیے گئے ہیں۔
سعودی خبر رساں ایجنسی ’ایس پی اے‘ کے مطابق مسجد نبوی میں سکیورٹی اہلکاروں کو فیلڈ سکیورٹی اور پوری مسجد میں انتظامی صورت حال کی نگرانی کی ذمہ داری سونپی گئی ہے۔ یہ سکیورٹی اہلکار نمازوں کے دوران رش کو کنٹرل کرنے اور نمازیوں کو منظم کرنے کی ان کی مدد کرتے ہیں۔
سیکورٹی اہلکاروں کے فرائض
العربیہ کے مطابق مسجد نبوی میں سکیورٹی اہلکاروں کی طرف سے کئے گئے فیلڈ ورک میں تمام سمتوں میں 100 دروازوں سے نمازیوں کے دخول اور خروج کا انتظام کرنا، راہداریوں کو خالی رکھنا تاکہ پیدل چلنے والوں کی نقل و حرکت کے لیے مختص اندرونی اور بیرونی راہداریوں کے ذریعے نمازیوں کی نقل و حرکت میں آسانی ہو۔ مسجد کی بالائی منزلوں میں آمد ورفت اور مرکزی ہال میں آمد ورفت میں سہولت فراہم کرنا ہے۔
