اسلام آباد: وزیرِ اعظم پاکستان عمران خان نے کہا ہے کہ دُنیا بھر میں پھیلنے والے کورونا وائرس کے باوجود ہم اپنے افغان بھائی بہنوں کی مدد جاری رکھیں گے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ میں نے متعلقہ حکام کو چمن اسپن بولداک کی سرحد کھولنے کی ہدایت کی ہے۔
وزیرِ اعظم عمران خان نے کہا کہ میں نے ہدایت دی ہے کہ ٹرکس کو افغانستان آمدورفت کی اجازت دی جائے۔ مصیب کی اِس گھڑی میں ہم افغانستان کے ساتھ کھڑے ہیں۔
Despite global pandemic of COVID 19, we remain committed to supporting our Afghan brothers & sisters. I have given instructions to open the Chaman-Spinboldak border & let trucks crossover into Afghanistan. In time of crisis, we remain steadfast with Afghanistan.
— Imran Khan (@ImranKhanPTI) March 20, 2020
یاد رہے کہ اِس سے قبل پاکستان اور افغانستان کے درمیان چمن کی سرحد کو کورونا وائرس کی وبا کے تناظرمیں قبائلی جرگے کے تحت مزیدایک ہفتے کے لئے بند رکھنے کا فیصلہ کیا گیا۔
دوسری طرف محکمہ صحت نے 11 روز قبل بتایا کہ پاک افغان سرحد پر15ہزارافراد کی اسکریننگ مکمل ہوچکی ہےجبکہ 7 دن سے سرحد بند ہے۔
مزید پڑھیں: کورونا وائرس کے خدشات: پاک افغان سرحد مزیدایک ہفتے کیلئے بند