مظفر آباد: آزاد کشمیر کے صدر سردار مسعود خان نے کہا ہے کہ پاکستان کو کورونا وائرس کے خلاف جنگ کے لیے تیار ہونا ہوگا۔
سماجی رابطے کی ویب سائٹ ٹوئٹر پر اپنے پیغام میں صدرِ آزاد کشمیر سردار مسعود خان نے کہا کہ اب تک کورونا وائرس نے 75 ہزار افراد کو ہلاک کردیا جبکہ دُنیا بھر کے 14 لاکھ افراد وائرس سے متاثر ہوئے ہیں۔
آزاد کشمیر کے صدر سردار مسعود خان نے کہا کہ متاثرہ افراد اور ہلاکتوں کی تعداد دُنیا بھر میں ہر گزرتے دن کے ساتھ بڑھ رہی ہے جبکہ 2 لاکھ 79 ہزار افراد کورونا وائرس سے صحتیاب ہوئے ہیں۔ ہمیں حفاظتی اقدامات اٹھانے کے ساتھ ساتھ وائرس کے خلاف خود کو تیار کرنا ہے۔
صدر سردار مسعود خان نے کہا کہ جس طرح دنیا بھر میں کورونا وائرس کے کیسز بڑھ رہے ہیں، یہ تعداد آزاد کشمیر اور پاکستان میں بھی بڑھتی جا رہی ہے تاہم اچھی بات یہ ہے کہ پاکستان میں متاثرہ افراد اور اموات کی تعداد دیگر ممالک کے مقابلے میں کم ہے۔
As of now, #Coronavirus has killed 75,000 and infected 1. 4 million worldwide with the toll rising; while 279,000 have recovered. We have to prepare ourselves, through continued preventive measures, for the surge in cases in Pakistan and AJK while the count is still low.
— Masood Khan (@Masood__Khan) April 7, 2020