واشنگٹن: امریکی صدر ڈونلڈ ٹرمپ نے لیجنڈری باسکٹ بال پلیئر کوبی برائنٹ کے انتقال پر تعزیت کا اظہار کرتے ہوئے کہا ہے کہ یہ ایک دکھ بھری خبر ہے کہ کوبی برائنٹ نہیں رہے۔
سماجی رابطے کی ویب سائٹ ٹوئٹر پر اپنے پیغام میں امریکی صدر ڈونلڈ ٹرمپ نے کہا کہ رپورٹرز کے مطابق کوبی برائنٹ اور تین دیگر افراد کیلیفورنیا میں ہیلی کاپٹر حادثے میں ہلاک ہو گئے ہیں۔ یہ افسوسناک خبر ہے۔
Reports are that basketball great Kobe Bryant and three others have been killed in a helicopter crash in California. That is terrible news!
— Donald J. Trump (@realDonaldTrump) January 26, 2020
امریکی صدرڈونلڈ ٹرمپ نے کہا کہ کوبی برائنٹ ایک عظیم باسکٹ بال پلیئر ہونے کے ساتھ ساتھ اپنی زندگی کا شاندار آغاز کرنے والا تھا۔ اسے اپنے خاندان سے بہت پیار تھا۔
صدر ڈونلڈ ٹرمپ نے کہا کہ اس کی خوبصورت بچی گیانا کی زندگی کا خسارہ لیجنڈری باسکٹ بال پلیئر کوبی برائنٹ کی ہلاکت کے ساتھ ایک ناخوشگوار اضافہ ہے جو حادثے کو مزید تکلیف دہ بنا دیتا ہے۔
Kobe Bryant, despite being one of the truly great basketball players of all time, was just getting started in life. He loved his family so much, and had such strong passion for the future. The loss of his beautiful daughter, Gianna, makes this moment even more devastating….
— Donald J. Trump (@realDonaldTrump) January 26, 2020
یاد رہے کہ اس سے قبل امریکی پلیئر اور باسکٹ بال کے لیجنڈری کھلاڑی کوبی برائنٹ کا امریکی ریاست کیلیفورنیا میں ہیلی کاپٹر حادثے کے باعث انتقال ہوگیا۔
باسکٹ بال پلیئر کوبی برائنٹ کاہیلی کاپٹر گزشتہ روز کلاباسس کے علاقے سے گزر رہا تھا جب اس میں اچانک آگ بھڑک اٹھی جس پر قابو نہ پایا جاسکا۔ آتشزدگی کے باعث ہیلی کاپٹر نیچے گر کر تباہ ہوگیا۔
مزید پڑھیں: کوبی برائنٹ امریکہ میں ہیلی کاپٹر حادثے میں ہلاک