پوچیفسٹروم : انٹرنیشنل کرکٹ کونسل (آئی سی سی) ویمنز انڈر 19 ٹی ٹونٹی ورلڈ کپ کے سپر 6 رائونڈ میں پاکستان ٹیم نے آئرلینڈ کو 7 وکٹوں سے شکست دے دی۔
پیر کو نارتھ ویسٹ یونیورسٹی گراؤنڈ پوچیفسٹروم میں کھیلے گئے سپر 6 مرحلے میں گروپ 2 کے اہم میچ میں آئرلینڈ نے ٹاس جیت کر پہلے بیٹنگ کرنےکا فیصلہ کیا اور مقررہ 20 اوورز میں 7 وکٹوں کے نقصان پر 113 رنز بنائے۔
Pakistan win their first match of the Super Six stage 👏#PakistanFutureStars | #BackOurGirls | #U19T20WorldCup https://t.co/yHnG1PgJIt pic.twitter.com/R8PQ91WacP
— Pakistan Cricket (@TheRealPCB) January 23, 2023
جواب میں پاکستان جونیئر ٹیم نے باآسانی ہدف 18 ویں اوور میں 3 وکٹوں کے نقصان پر حاصل کرلیا، کپتان سیدہ عروب شاہ نے 25 بالوں پر 35، ایمان فاطمہ نے 25 اور شوال ذوالفقار نے 18 رنز کی اننگز کھیلی جبکہ وردا یوسف 24 رنز کے ساتھ ناقابل شکست رہیں۔
بابراعظم آئی سی سی مینز ون ڈے ٹیم آف دی ایئر کے کپتان مقرر
انوشہ ناصر کو شاندار پرفارمنس پر پلیئر آف دی میچ قرار دیا گیا جبکہ فتح کے بعد قومی ٹیم گروپ ٹو کے پوائنٹس ٹیبل پر تیسری پوزیشن پر آگئی ہے۔