گوگل نیوز پر ہمیں فالو کریںبرسبین: پاکستان کے جارح مزاج بلے باز فخر زمان کل (اتوار) کے روز ٹی ٹوئنٹی ورلڈ کپ کے افتتاحی میچ میں بھارت کے خلاف پلیئنگ الیون کا حصہ نہیں ہوں گے۔
اس بات کا اعلان کپتان بابر اعظم نے میڈیا سے گفتگو کرتے ہوئے کیا۔ انہوں نے کہا کہ زمان روایتی حریف کے خلاف پہلا میچ کھیلنے کے لیے مکمل طور پر فٹ نہیں ہیں۔
رواں ماہ کے شروع میں بائیں ہاتھ کے بلے باز کی جگہ عثمان قادر کو ورلڈ کپ اسکواڈ میں شامل کیا گیا تھا اور وہ آسٹریلیا کے شہر برسبین میں ٹیم میں شامل ہوئے تھے۔
بابر اعظم نے میڈیا کو بتایا کہ شان مسعود جو اس ہفتے کے شروع میں ٹریننگ سیشن کے دوران زخمی ہو گئے تھے، ان کی میڈیکل رپورٹس کلیئر ہونے پر اہم میچ کھیلیں گے۔
مزید پڑھیں:شاہین آفریدی میچ کیلئے دستیاب، فخر زمان کو مزید ری ہیب کی ضرورت
انہوں نے کہا کہ باقی تمام کھلاڑی مکمل طور پر فٹ ہیں تاہم پلیئنگ الیون کے بارے میں حتمی فیصلہ پچ کی صورتحال کا جائزہ لینے کے بعد کیا جائے گا۔
