گوگل نیوز پر ہمیں فالو کریںراولپنڈی ایکسپریس کہلانے والے دنیا کے تیز ترین فاسٹ باؤلر شعیب اختر نے قومی کرکٹ ٹیم کیلئے نیک خواہشات کا اظہار کرنے کیلئے ویڈیو پیغام جاری کردیا ہے۔
سماجی رابطے کی ویب سائٹ ٹوئٹر پر اپنے پیغام میں فاسٹ باؤلر شعیب اختر نے کہا کہ پاکستانی کرکٹ ٹیم کیلئے میری خواہش ہے کہ وہ خوش قسمت ثابت ہو جبکہ قومی کھلاڑیوں کو انگلینڈ کی سرزمین پر جارحانہ کھیل پیش کرنا ہوگا۔
سابق قومی فاسٹ باؤلر شعیب اختر نے کہا کہ پاکستان اور انگلینڈ کے درمیان 5 اگست کو تگڑا مقابلہ دیکھنے کو ملے گا۔ پاکستان جارحانہ ذہن بنا کر جائے گا۔ دفاعی صورتحال میں بھی جارحانہ پن نظر آئے گا۔
شعیب اختر نے کہا کہ ہمیں یہ علم نہیں کہ انگلینڈ کے خلاف نسیم شاہ یا شاہین آفریدی میں سے کس کا انتخاب کیا جائے گا، تاہم پاکستانی کھلاڑی ویسٹ انڈیز سے بہتر کھیلیں گے۔
انہوں نے کہا کہ پاکستان وہ واحد ٹیم ہے جو انگلینڈ کو بڑا ٹف ٹائم دے گی۔ہم چاہتے ہیں کہ پاکستانی کرکٹ ٹیم انگلینڈ کو ہرائے لیکن اگر ایسا نہ بھی ہوا تو ہم قومی کرکٹ ٹیم کی حمایت جاری رکھیں گے۔
Good luck Pakistan team 🇵🇰 make sure you play aggressively against England & come out as winner.. pic.twitter.com/pVYo3fXzE1
— Shoaib Akhtar (@shoaib100mph) August 3, 2020
یاد رہے کہ اِس سے قبل قومی کرکٹ ٹیم کے سابق فاسٹ باؤلر شعیب اختر نے موجودہ ٹیم سے انوکھی فرمائش کرتے ہوئے کہا کہ مجھے کرکٹ ٹیم کے کورونا ٹیسٹ منفی مگر دماغ مثبت چاہئیں۔
ویڈیو شیئرنگ کی سب سے بڑی ویب سائٹ یوٹیوب پر گزشتہ ماہ اپنے پیغام میں شعیب اختر نے کہا کہ مجھے مثبت دماغ اِس لیے چاہئے کیونکہ پاکستان کو بہت اچھی کرکٹ کھیلنی ہے۔
مزید پڑھیں: ٹیسٹ منفی اور دماغ مثبت چاہئیں۔شعیب اختر کی انوکھی فرمائش
