گوگل نیوز پر ہمیں فالو کریںپاکستان تحریکِ انصاف سندھ نے یومِ استحصالِ کشمیر کے موقعے پر کراچی سے سکھر تک ٹرین مارچ کا اعلان کیا جس کیلئے مارچ کے شرکاء کراچی کے کینٹ اسٹیشن پر پہنچنا شروع ہو گئے ہیں۔
سماجی رابطے کی ویب سائٹ ٹوئٹر پر تحریکِ انصاف کے مرکزی رہنما و پی ٹی آئی کے پارلیمانی لیڈر سندھ اسمبلی حلیم عادل شیخ کی طرف سے ویڈیو جاری کی گئی جس میں بتایا گیا کہ پی ٹی آئی کراچی سے سکھر تک ٹرین مارچ کرے گی۔
پیغام میں بتایا گیا کہ ٹرین مارچ کے سلسلے میں شرکاء کینٹ اسٹیشن پہنچنا شروع ہو گئے ہیں جبکہ ٹرین مارچ کینٹ اسٹیشن کراچی سے شروع ہو کر روہڑی (سکھر) تک اختتام پذیر ہوگا۔
ویڈیو میں دِکھایا گیا ہے کہ تحریکِ انصاف نے یومِ استحصالِ کشمیر کے موقعے پر کشمیریوں سے اظہارِ یکجہتی کیلئے ٹرین کو وزیرِ اعظم کی تصویر، کشمیر اور پاکستان کے جھنڈوں سے سجایا ہے۔
کراچی : کشمیری عوام سے اظہار یکجہتی کے لئے تحریک انصاف کا ٹرین مارچ
کراچی : تحریک انصاف کی جانب سے کراچی تا سکھر ٹرین مارچ کیا جائیگا
کراچی : ٹرین مارچ کے سلسلے میں شرکا کینٹ اسٹیشن پہنچنا شروعکراچی: ٹرین مارچ کینٹ اسٹیشن سے شروع ہوکر روہڑی(سکھر) تک اختتام پذیر ہوگا pic.twitter.com/KvCGy2fOR5
— PTI SINDH UPDATES (@ptisindhupdates) August 5, 2020
یاد رہے کہ اِس سے قبل وزیرِ اعظم پاکستان عمران خان نے کہا کہ بھارت مقبوضہ وادی میں آبادی کے تناسب میں تبدیلی کی کوشش کر رہا ہے۔
ٹوئٹر پر اپنے پیغام میں وزیرِ اعظم عمران خان نے کہا کہ یومِ استحصالِ کشمیر کے موقعے پر اہلِ کشمیر سے اظہارِ یکجہتی کیلئے میں آج آزاد جموں و کشمیر کی اسمبلی سے خطاب کروں گا۔
مزید پڑھیں: بھارت کشمیر میں آبادی کا تناسب تبدیل کرنا چاہتا ہے۔وزیرِ اعظم
