اسلام آباد: پی ٹی آئی کی جانب سے 25 مئی کو وفاقی دارالحکومت کی جانب لانگ مارچ کے اعلان کے پیش نظر، اسلام آباد پولیس کی ایمرجنسی کے علاوہ تمام قسم کی چھٹیوں پر 22 مئی سے اگلے حکم تک پابندی عائد کردی گئی ہے۔
اتوار کی شب انسپکٹر جنرل (آئی جی) اسلام آباد پولیس کی منظوری سے ڈی آئی جی ہیڈ کوارٹرز کی جانب سے اس سلسلے میں ایک نوٹیفکیشن جاری کیا گیا۔
نوٹیفکیشن میں کہا گیا ہے کہ ”ایمرجنسی کے علاوہ تمام قسم کی چھٹیوں پر پابندی عائد ہے، نوٹیفکیشن میں تمام متعلقہ اداروں سے احکامات پر سختی سے عمل کرنے کی تاکید کی گئی ہے۔
واضح رہے کہ پی ٹی آئی کے چیئرمین عمران خان نے اتوار کو اعلان کیا تھا کہ 25 مئی کو حکومت کے خلاف لانگ مارچ شروع کیا جائے گا اور اسی تاریخ کو وفاقی دارالحکومت میں غیر معینہ مدت کا دھرنا بھی دیا جائے گا۔
مزید پڑھیں:عمران خان کا 25 مئی کو اسلام آباد کی جانب لانگ مارچ کا اعلان