نیویارک: اقوامِ متحدہ کی جنرل اسمبلی کے صدر وولکان بوزکِر آئندہ ہفتے کے دوران پاکستان اور بنگلہ دیش کا دورہ کریں گے جس کا اعلان انہوں نے خود کیا۔
سماجی رابطے کی ویب سائٹ ٹوئٹر پر اپنے پیغام میں جنرل اسمبلی کے صدر وولکان بوزکر نے کہا کہ مجھے یہ اعلان کرتے ہوئے خوشی محسوس ہورہی ہے کہ میں 25 سے 27 مئی کو پاکستان اور بنگلہ دیش کا دورہ کروں گا۔
1) I am pleased to announce that within the framework of the invitations I received, I will pay official visits to #Bangladesh & #Pakistan from 25 to 27 May.#UNGA75
🇺🇳 🇧🇩 🇵🇰— Volkan BOZKIR (@volkan_bozkir) May 17, 2021
اِس سے قبل ترکی کیلئے سفارت کے فرائض سرانجام دینے والے وولکان بوزکر دوسری بار پاکستان کے دورے پر آئیں گے۔ اگست 2020ء میں بھی وہ 193 ممبران پر مشتمل اقوامِ متحدہ کی جنرل اسمبلی کے 75ویں اجلاس سے قبل پاکستان پہنچے۔
رواں ماہ ایک پریس کانفرنس کے دوران صدر جنرل اسمبلی نے کہا کہ میں پاکستان کا دورہ اس لیے کر رہا ہوں تاکہ اقوامِ متحدہ کے دنیا بھر میں جاری امن مشنز میں پاکستان کی عظیم معاونت کو سراہا جائے جس سے عالمی سطح پر امن کے قیام میں مدد ملی۔
مقبوضہ کشمیر کے بارے میں ایک سوال کا جواب دیتے ہوئے انہوں نے کہا کہ یہ تنازعہ اقوامِ متحدہ قراردادوں کے تحت بات چیت سے حل ہوسکتا ہے جبکہ پاکستان اقوامِ متحدہ کے امن مشنز کیلئے بڑھ چڑھ کر تعاون کرنے والا ملک ہے۔
یہ بھی پڑھیں: ترسیلاتِ زر کا ریکارڈ قائم، وزیرِ اعظم کا سمندر پار پاکستانیوں کو خراجِ تحسین