اسلام آباد : وزیر اعظم عمران خان کے آئی ایس آئی سیکریٹریٹ کے دورہ کے موقع پر اعلیٰ قومی اور عسکری قیادت کو علاقائی اور ملکی سلامتی کی صورتحال پر بریفنگ دی ۔
جار ی اعلامیہ کے مطابق وزیراعظم عمران خان نے وزیر خارجہ شاہ محمود قریشی ، وزیر دفاع پرویز خٹک ، وزیر اطلاعات ونشریات فواد چوہدری ، وزیر داخلہ شیخ رشید احمد ، چیئر مین جوائنٹ چیف آف سٹاف کمیٹی جنرل ندیم رضا ، چیف آف آرمی سٹاف جنرل قمر جاوید باجوہ ، چیف آف نیول سٹاف ایڈمرل محمد امجد خان نیازی اور چیف آف ایئر سٹاف ایئر چیف مارشل ظہیر احمد بابر کے ہمراہ آئی ایس آئی سیکرٹریٹ کا دورہ کیا۔
وزیر اعظم جناب عمران خان کے ہمراہ چیئرمین جوائنٹ چیف آف سٹاف کمیٹی جنرل ندیم رضا، چیف آف آرمی سٹاف جنرل قمر جاوید باجوہ، اور دیگر مسلح افواج پاکستان کے سربراہان کے ہمراہ آئی ایس آئی سیکریٹریٹ کا دورہ کیا۔
ڈی جی آئی ایس آئی لیفٹیننٹ جنرل فیض حمید نے شرکاء کا استقبال کیا۔ pic.twitter.com/xUYzZZgJ4n
— Sheikh Rashid Ahmed (@ShkhRasheed) May 24, 2021
ڈی جی آئی ایس آئی لیفٹیننٹ جنرل فیض حمید نے شرکاء کا استقبال کیا ۔ اجلاس میں اعلیٰ قومی اور عسکری قیادت کو علاقائی اور ملکی سلامتی کی صورتحال پر بریفنگ دی گئی ۔ وزیر اعظم نے قومی سلامتی کو درپیش چیلنجز کے خلاف آئی ایس آئی کی پیشہ ورانہ صلاحیتوں کو سراہا ۔
اس سے قبل وزیراعظم عمران خان نے کہا ہے کہ حکومت مجرموں کا تحفظ نہ کرے تو نیب سمیت ادارے نتائج دیتے ہیں۔وزیراعظم عمران خان نے ٹویٹ کرتے ہوئے کہا کہ پی ٹی آئی حکومت کے تین سالہ دور 2018 سے 2020 میں نیب نے 484 ارب روپے ریکور کیے۔
1999 سے 2017 تک ہونے والی 290 ارب کی وصولیوں کےبرعکس نیب نےتحریک انصاف کے 3 سالہ دورِاقتدار (2018 تا 2020) میں 484 ارب روپے واپس نکلوائے۔ جب حکومت مجرموں کو تحفظ فراہم نہیں کرتی اور تفتیشی اداروں اور احتساب کی مشینری کو آزادی سے کام کرنے دیتی ہے تو اسی طرح کے نتائج حاصل ہوتے ہیں۔
— Imran Khan (@ImranKhanPTI) May 24, 2021