گوگل نیوز پر ہمیں فالو کریںاسلام آباد: وزیرِ اعظم عمران خان نے اپنے دونوں بیٹوں قاسم اور سلیمان کی نمازِ جمعہ کی ادائیگی کے بعد کی لی گئی تصویر سوشل میڈیا پر شیئر کر دی۔
وزیراعظم عمران خان اکثر اپنے خاندان کی تصویریں سماجی رابطوں کی ویب سائٹ انسٹاگرام پر شیئرکرتے رہتے ہیں مگر اس مرتبہ انہوں نے اپنے دونوں بیٹوں قاسم اور سلیمان کی حالیہ تصویر شیئر کی ہے۔
عمران خان کی جانب سے شیئر کی گئی تصویر میں اُن کے دونوں بیٹوں کو مشرقِ وسطیٰ اور افریقی ممالک میں روایتی طور پر پہنے جانے والے مسلمان مردوں کے لباس میں دیکھا جاسکتا ہے۔
View this post on Instagram
مذکورہ تصویر میں قاسم اور سلیمان کے ہمراہ ایک کینیائی شخص بھی موجود ہے جبکہ یہ تصویر نمازِ جمعہ کی ادائیگی کے بعد لی گئی ہے۔
وزیرِ اعظم عمران خان نے بیٹوں کی اس خوبصورت تصویر کے کیپشن میں بتایا ہے کہ ‘یہ تصویر کینیا کے شہر لامو میں جمعے کی نماز کے بعد لی گئی ہے’۔
عمران خان کے بیٹوں کی تصویر کو سوشل میڈیا صارفین کی بڑی تعداد ناصرف لائیک کر رہی ہے بلکہ اسے دیگر پلیٹ فارمز پر بھی تیزی سے شیئر کیا جا رہا ہے۔
خیال رہے کہ 17 اگست 2018ء کو وزیرِ اعظم پاکستان منتخب ہونے والے عمران خان نے 3 شادیاں کیں اور ان کے 2 بیٹے ہیں۔
یہ بھی پڑھیں: اپوزیشن ذاتی مفاد کی خاطر ملک دشمنوں کی زبان بول رہی ہے،وزیر اعظم
