ویڈیو اسٹریمنگ پلیٹ فارم نیٹ فلکس پر رواں ماہ پیش کیے جانے والے مختلف مشہور سلسلوں کی فہرست سامنے آگئی۔
نیٹ فلکس نے ستمبر میں اپنے ناظرین و سامعین کی بھرپور تفریح کا اہتمام کیا ہے۔
6ixtynin9 The Series (ستمبر 6)
سنسنی خیز تھائی ڈرامہ ایک ایسی خاتون کی کہانی پر مبنی ہے جسے حال ہی میں ملازمت سے نکال دیا گیا ہے۔ تاہم، اس کی زندگی اس وقت مزید پیچیدہ ہو جاتی ہے جب کوئی اس کے اپارٹمنٹ کے باہر ایک پراسرار باکس چھوڑ دیتا ہے جس میں رقم ہوتی ہے۔
اے ٹائم کالڈ یو (ستمبر 8)
سیریز کی کہانی جون ہی نامی ایک لڑکی کے گرد گھومتی ہے، جس کا کردار جیون ییو بین نے ادا کیا ہے جو کہ اپنے بوائے فرینڈ کی موت کے بعد غمزدہ رہتی ہے۔
کہانی میں اس وقت تبدیلی آئے گی جب وہ معجزاتی طور پر 1998 میں واپس چلی جائے گی جہاں پر اس کی ملاقات سی ہیون سے ہوگی جس کا کردار آہن ہیو سیوپ نے ادا کیا، جو کہ اس کے بوائے فرینڈ سے کافی حد تک مماثلت رکھتا ہے۔
کاسٹل وینیا: نوکٹرنی (28 ستمبر)
کئی سال پہلے نیٹ فلکس پر ریلیز ہونے والی کاسٹل وینیا کی کامیابی کے بعد ستمبر میں یہ سیریز دوبارہ سے شروع ہورہی ہے جس کا نام کاسٹل وینیا: نوکٹرنی ہے جس کی کل 8 اقساط ہونگی۔
سیریز کی کاسٹ میں زان مِک کلارنِن، سوفی سکلٹن، ناستاسجا کنسکی، رچرڈ ڈورمر اور تھوسو بیدو شامل ہیں۔
جانِ جان (21 ستمبر)
سوجوئے گھوش کی ہدایت کاری میں بننے والی جانِ جان کی کہانی ایکشن اور رومانس کے گرد گھومتی ہے۔ یہ جاپانی کتاب پر مبنی ہے جس میں دو باصلاحیت افراد جو پرانے دوست ہیں قتل کا معمہ حل کرتے ہیں۔
تاہم فلم میں اس کی کہانی میں اکیلی ماں اپنے پڑوسی کی مدد سے اپنے شوہر کے قتل کو چھپانے کی کوشش کرتی ہے۔
لو ایٹ فرسٹ سائٹ (15 ستمبر)
’لو ایٹ فرسٹ سائیٹ‘ کی کہانی ہیڈلی اور اولیور کے گرد گھومتی ہے جنہیں نیویارک سے لندن جانے والی فلائٹ کے دوران ایک دوسرے سے محبت ہوجاتی ہے۔