اسلام آباد: حکومت نے ڈیرہ اسماعیل خان میں شہید ہونے والے پاک فوج کے کرنل مجیب الرحمٰن کو خراجِ تحسین پیش کیا ہے۔
سماجی رابطے کی ویب سائٹ ٹوئٹر پر اپنے پیغام میں وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا کہ پاک فوج نے ڈی آئی خان میں دہشت گردی کی بڑی کوشش ناکام بنا دی۔
معاونِ خصوصی اطلاعات فردوس عاشق اعوان نے کہا کہ دہشت گردی ناکام بنانا ہماری بہادر مسلح افواج کی پیشہ ورانہ مہارت کا منہ بولتا ثبوت ہے۔
کرنل مجیب الرحمٰن کو خراجِ تحسین پیش کرتے ہوئے فردوس عاشق اعوان نے کہا کہ شہید کرنل مجیب الرحمٰن نے اپنے ہم وطنوں کا کل محفوظ بنانے کے لیے اپنا آج قربان کردیا۔
فردوس عاشق اعوان نے کہا کہ دہشت گردی کے خلاف بڑی کوشش ناکام بنائی گئی۔ پاک فوج کے شہداء ہمارا قومی اثاثہ ہیں۔ پوری قوم انہیں سلام پیش کرتی ہے۔
ڈی آئی خان میں دہشت گردی کی بڑی کوشش ناکام بناناہمارے بہادرمسلح افواج کی پیشہ وارانہ مہارت کامنہ بولتا ثبوت ہے.کرنل مجیب الرحمان شہید کوخراج ِعقیدت پیش کرتے ہیں جنہوں نےاپنے ہم وطنوں کاکل محفوظ بنانے کیلئے اپناآج قربان کردیا۔ہمارے شہداءہمارافخر ہیں,پوری قوم انہیں سلام پیش کرتی ہے
— Dr. Firdous Ashiq Awan (@Dr_FirdousAwan) March 9, 2020