اسلام آباد: وفاقی وزیرِ سائنس و ٹیکنالوجی فواد چوہدری نے کہا ہے کہ میری خواہش ہے کہ بابر اعظم تینوں فارمیٹس میں کپتان بننے کے بعد قومی کرکٹ ٹیم کا کھویا ہوا وقار واپس لائیں۔
سماجی رابطے کی ویب سائٹ ٹوئٹر پر اپنے پیغام میں وزیرِ سائنس و ٹیکنالوجی فواد چوہدری نے بابر اعظم کو ون ڈے، ٹی ٹوئنٹی اور ٹیسٹ کے فارمیٹس میں قومی کرکٹ ٹیم کا کپتان بننے پر مبارکباد پیش کی۔
پیغام میں وفاقی وزیر فواد چوہدری نے کہا کہ ان شاء اللہ بابر اعظم کی قیادت میں قومی کرکٹ ٹیم اپنا کھویا ہوا وقار واپس لا کر پوری پاکستانی قوم کو فخر کا احساس دلانے میں کامیاب ہوگی۔
Congs @babarazam258 wishing you all the luck bring back the lost glory of Pakistan Cricket Inshallah you guys ll make us proud once again https://t.co/EYZr1rOprR
— Ch Fawad Hussain (@fawadchaudhry) November 11, 2020
یاد رہے کہ اِس سے قبل بابراعظم کو قومی ٹیسٹ کرکٹ ٹیم کا کپتان مقرر کردیا گیا۔ بابراعظم تینوں فارمیٹس کے لیے پاکستان کرکٹ ٹیم کے کپتان بن گئے۔
بطور ٹیسٹ کپتان بابراعظم کی پہلی اسائنمنٹ آئی سی سی ورلڈ ٹیسٹ چیمپئن شپ میں شامل نیوزی لینڈ کے خلاف 2 ٹیسٹ میچوں پر مشتمل سیریزمیں پاکستان کی قیادت کرنا ہوگا۔دونوں ممالک کے مابین ٹیسٹ سیریز کا آغاز 26 دسمبر سے ہوگا۔
مزید پڑھیں: بابراعظم تینوں فارمیٹس میں قومی کرکٹ ٹیم کے کپتان مقرر