بختاور بھٹو زرداری بھی کورونا کا شکار، قوم سے دعاؤں کی اپیل کردی

کراچی: پاکستان پیپلزپارٹی کے چیئرمین بلاول بھٹوز رداری کی ہمشیرہ بختاور بھٹو زرداری بھی کورونا وائرس کا شکار ہوگئیں، قوم سے دعاؤں کی اپیل کردی۔

سابق صدر آصف علی زرداری کی صاحبزادی بختاور بھٹو زرداری نے اپنے ایک ٹوئٹر پیغام میں بتایا کہ 2 اپریل کو کورونا کا ٹیسٹ کروایا جو مثبت آیا ہے اور میں نے خود کو قرنطینہ کرلیا ہے ۔

ان کا کہنا ہے کہ ہمیں وباء سے محفوظ رہنے کیلئے احتیاط کرنے کی ضرورت ہے، لوگ ماسک اور دیگر ایس او پیز پر عمل کریں اور ویکسین لگوا کر خود کو اور دوسروں کو محفوظ بنائیں ، اللہ ہم سب کو سلامت رکھے۔ آمین

I tested positive for Covid19 on April 2nd – isolating and recovering🙏. Just a reminder to keep being cautious, call people out if their masks don’t cover their nose, get vaccinated & help those less fortunate to get vaccinated too. May Allah keep us all safe. Aameen

— Bakhtawar B-Zardari (@BakhtawarBZ) April 7, 2021

واضح رہے کہ پاکستان میں کورونا کی تیسری لہر جاری ہے اور کورونا کی شرح 10 فیصد کے قریب پہنچ چکی ہے جبکہ بختاور بھٹو زرداری سے پہلے وزیراعظم عمران خان سمیت اہم شخصیات وباء کا شکار ہوچکی ہیں۔

مزید پڑھیں: مجھے افسوس کے ساتھ شرمندگی بھی ہے۔عفت عمر کا کورونا ویکسین لگوانے کے بعد بیان

پاکستان میں اب تک 10 لاکھ افراد کورونا ویکسین لگوا چکے ہیں جبکہ گزشتہ روز 76 ہزار افراد نے ویکسین لگوائی،وزیرِ منصوبہ بندی اسد عمر کے مطابق اب تک کورونا ویکسین لگوانے کیلئے 20 لاکھ سے زائد افراد نے رجسٹریشن کروائی ہے جن میں 6 لاکھ ہیلتھ کیئر ورکرز اور 50 سال سے زائد العمر 14 لاکھ سے زائد عمر کے افراد شامل ہیں۔