گوگل نیوز پر ہمیں فالو کریںپاکستانی کرکٹ سابق کپتان اور وکٹ کیپر بلے باز معین خان کے بیٹے جارح مزاج بیٹر اعظم خان نے نیشنل ٹی 20 کپ میں بیٹ پر فلسطین کا جھنڈا لگانے کے معاملے پر لب کشائی کی۔
قومی کرکٹر اعظم خان نے اسلام آباد یونائیٹڈ کی تقریب کے موقع پر میڈیا سے گفتگو کرتے ہوئے کہا کہ نیشنل ٹی 20 میں فلسطین کا لوگو لگانے پر پی سی بی کے پروٹوکول کی وجہ سے بات نہیں کرسکتا۔
اعظم خان نے کہا کہ نیشنل ٹی ٹوئنٹی اچھا رہا ہے، مستقبل کے بارے میں زیادہ نہیں سوچتا، میرا زیادہ فوکس حال پر ہوتا ہے،میری حالیہ پرفارمنس بہترین جارہی ہے۔
قومی کرکٹر کا کہنا تھا کہ نسیم شاہ اور عماد وسیم کی ٹریڈ بہت اچھی رہی۔فٹنس دو مہینے میں نہیں آسکتی، فٹنس کے لیے چھ آٹھ مہینے لگیں گے، پی ایس ایل کے لیے بہت پرجوش ہوں۔
انہوں نے کہا کہ کوشش کروں گا روٹی گینگ میں حسن علی کی جگہ لے لوں،اس لیے مجھے زیادہ محنت کرنی پڑے گی، پاکستان کے ٹی ٹوئنٹی کے کھلاڑی دنیا کے بہترین پلیئرز ہیں۔
واضح رہے کہ پی سی بی نے اعظم خان پر نیشنل ٹی 20 کپ میں بیٹ پر فلسطین کا جھنڈا لگانے پر جرمانہ کیا تھا بعدازاں یہ جرمانہ ختم کردیا گیا تھا۔
