گوگل نیوز پر ہمیں فالو کریںاسلام آباد: وفاقی وزارتِ سائنس و ٹیکنالوجی کی 2 نئی صنعتوں سے پاکستان بھر میں مجموعی طور پر 8 ارب ڈالر کی سرمایہ کاری متوقع ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ سائنس و ٹیکنالوجی فواد چوہدری نے کہا کہ میری وزارت نے پاکستان میں ایک سال کے عرصے میں 2 نئی صنعتیں شروع کرائیں۔
پیغام میں وزیرِ سائنس و ٹیکنالوجی فواد چوہدری نے کہا کہ میڈیکل مشینری اور برقی گاڑیوں کی صنعتیں پاکستان میں موجود ہی نہیں تھیں، یہ دونوں صنعتیں ملک میں مجموعی طور پر 8 ارب ڈالر سرمایہ کاری لائیں گی۔
وزیرِ سائنس و ٹیکنالوجی فواد چوہدری نے کہا کہ الیکٹرک گاڑیوں میں اگلے 4 سال میں 3 سے 5 جبکہ میڈیکل مشینری میں 2 سے 3 ارب ڈالر کی سرمایہ کاری ہوگی۔
ایک سال کے عرصے میں میری وزارت @MinistryofST نے ہاکستان میں دو نئی صنعتوں کی شروعات کرائ ہے، میڈیکل مشینری اور الیکٹرک گارٹیوں کی صنعتیں ہاکستان میں موجود ہی نہیں تھیں الیکٹرک گارٹیوں میں اگلے چار سالوں میں تین سے پانچ اور میڈیکل میں دو سے تین بلین ڈالر سرمایہ کاری ہو گی
— Ch Fawad Hussain (@fawadchaudhry) October 27, 2020
یہ بھی پڑھیں: پاکستان میں دسمبر2021 تک 5-جی انٹرنیٹ سروس شروع ہونے کا امکان
