گوگل نیوز پر ہمیں فالو کریںکراچی : سندھ حکومت کی غفلت سے صوبے میں ایک بار پھر گندم کی قلت پیدا ہوگئی، فلور ملز کو گندم کی فراہمی معطل ہونے کے باعث شہر میں آٹے کی قیمتوں میں اضافہ کردیا گیا۔
اندرون سندھ سے گندم کی ترسیل میں تعطل کی وجہ سے پاکستان فلور ملز ایسوسی ایشن نے اپنے ممبران کو آٹے کی قیمتوں میں اضافے کے حوالے سےپیغام جاری کردیا ہے۔
پاکستان فلور ملز ایسوسی ایشن کو 50 کلو آٹا 2700، دس کلو 545روپے،میدہ 50کلو2825جبکہ فائن آٹا بھی 2825روپے میں 50کلو فروخت کرنے کی ہدایت کی گئی ہے۔
واضح رہے کہ پاکستان تحریک انصاف کراچی ڈویژن کے سینئر نائب صدراورمشیر ساحلی امور محمود مولوی نے چند روز قبل ہی گندم کی 10 لاکھ ٹن کی کمی کی وجہ سے بحران کے حوالے سے حکومت کو متنبہ کیا تھا۔
محمود مولوی کا کہنا تھا کہ ملک کو گندم کی 10 لاکھ ٹن کی کمی کا سامنا ہے اورحکومت نجی شعبے سے گندم درآمد کرنے کی امید لگائے بیٹھی ہے جبکہ نجی شعبہ صرف ایک سے ڈیڑھ لاکھ ٹن گندم درآمد کرسکتا ہے، حکومت کو بحران سے بچنے کیلئے خود گندم درآمد کرنا ہوگی۔
مزید پڑھیں:ملک میں گندم کا بڑا بحران آنیوالا ہے،حکومت فوری اقدامات اٹھائے، محمود مولوی
