وقار ذکاء کے دعوے، کیا پاکستان میں کرپٹو کرنسی پر پابندی عائد ہوگی؟

پاکستانی ٹی وی میزبان وقار ذکاء کا دعویٰ ہے کہ وزیر اعظم عمران خان پاکستان میں کرپٹو کرنسی میں لین دین اور مائننگ پر پابندی عائد کرنا چاہتے ہیں۔ انہوں نے سوشل میڈیا صارفین پر زور دیا کہ اس کے خلاف احتجاجی مہم چلائیں۔

سوال یہ ہے کہ ٹی وی میزبان وقار ذکا ایسا کیوں سوچتے ہیں؟ وزیر اعظم ڈیجیٹل کرنسی پر پابندی لگائیں گے تو اس کی کیا وجہ ہوگی؟اور اگر پابندی لگائی جائے گی تو اس کے کیا اثرات مرتب ہوسکتے ہیں، آئیے ان تمام نکات پر غور کرتے ہیں۔ 

کرپٹو کرنسی کیا ہے؟

ڈیجیٹل کرنسی کی شکل کرپٹو کرنسی کو کرپٹو گرافی کے ذریعے محفوظ کیا جاتا ہے جس کا مقصد آن لائن محفوظ طریقہ کار کے ذریعے لوگوں کو ادائیگیوں اور لین دین کے معاملات طے کرنے کی اجازت دینا ہے۔ لوگ ورچؤل ٹوکن کے ذریعے بلاک چین ٹیکنالوجی کا استعمال کرتے ہیں اور کرپٹو کرنسی سے لین دین ہوتی ہے۔

قصہ مختصر یہ ہے کہ کرپٹو کرنسی کسی مرکزی بینک یا سرکاری اتھارٹی کے زیر اثر نہیں ہے جس کا مقصد اسے حکومت کی مداخلت سے محفوظ کرنا ہے، تاہم اس سے عوام کے کرپٹو کرنسی پر اعتماد کو بعض اوقات ٹھیس بھی پہنچتی ہے۔

وقار ذکاء کا دعویٰ

معروف ٹی وی میزبان وقار ذکاء کے ذرائع نے دعویٰ کیا کہ وزیر اعظم عمران خان کرپٹو کرنسی کی لین دین اور مائننگ پر پابندی عائد کرنے کے خواہاں ہیں۔ وقار ذکاء نے کہا کہ وزیر اعظم چاہے پابندی لگانا ہی کیوں نہ چاہیں، قوم کرپٹو کرنسی کے حق میں احتجاج کرے۔

ٹی وی میزبان وقار ذکاء نے اپیل کی کہ اگر لاہور کی عدالت کرپٹو کے لین دین کے خلاف فیصلہ دے یا اگر وزیر اعظم پابندی لگانا چاہیں تو ہم یہ پابند لگنے نہیں دیں گے۔ پاکستانی کرپٹو کمیونٹی پابندی لگانے کی کوشش پر بڑے پیمانے پر احتجاج کرے گی۔

سوشل میڈیا صارفین کی حمایت

بڑی تعداد میں سوشل میڈیا صارفین وقار ذکاء کی حمایت میں کھڑے ہو گئے۔ دھرنا ودھ وقار ذکاء ٹوئٹر پر ٹاپ ٹرینڈ بن گیا جس کے تحت متعدد افراد نے وقار ذکاء کے حق میں مختلف بیانات جاری کیے۔ 

#DharnaWithWaqarZaka i am ready @ZakaWaqar if Government ban tecnology just because they are illitrate people in government who dont even know what is this. Please educate your self lern from El salvador Brazil Panama Korea Mr pm @ImranKhanPTI

— Ali sayed (@ElectrifyingALI) October 17, 2021

#DharnaWithWaqarZaka@ImranKhanPTI . Dont ban exchanges & crypto .. Make it legal for youth of your country as we r already very depressed & don’t have any job . Be with your young generation @ImranKhanPTI .

— Mian Ateeb (@MianAteeb8) October 17, 2021

Attention @ImranKhanPTI @SECPakistan @StateBank_Pak if you banned cryptocurrency and crypto exchanges in Pakistan, a huge volume of youth will come out on the roads for our rights. #DharnaWithWaqarZaka #dharnawithwaqarzaka

— Hyder Khan (@HyderKh43220886) October 17, 2021

Attention @ImranKhanPTI We Want Crypto To Be Legalized in Pakistan. @ZakaWaqar will give you Pakistan's 1st Crypto Exchange along with Digital PKR Coin free of cost, which bring a huge volume of revenue to Government of Pakistan. #DharnaWithWaqarZaka @SECPakistan @StateBank_Pak

— Ahsan Ansari__Dappad Launchpad (@ahsantweet86) October 17, 2021

ڈیجیٹل کرنسی کی شکل کرپٹو اور وقار ذکاء

رواں برس وقار ذکاء نے خیبر پختونخوا حکومت کو قائل کیا کہ انہیں کرپٹو مائننگ فارم کی اجازت دیں اور تازہ ترین صورتحال کے مطابق کے پی کے ریجن میں ہائیڈروپاور پر مائننگ مشینز انسٹال کر لی گئی ہیں۔

پاکستان میں کرپٹو کرنسی

قبل ازیں 2018 میں اسٹیٹ بینک نے مختصر مدت کیلئے پاکستان بھر میں کرپٹو کرنسی کی لین دین پر پابندی عائد کردی تھی۔ تاہم بہت سے لوگوں نے کیش بٹ کوائن میں ٹریڈنگ شروع کردی۔ اردو بٹ کے ذریعے بھی بٹ کوائن ٹریڈنگ ہوتی تھی جو آج کل پاکستان میں نہیں ہوتی۔

اردو بٹ پاکستان کا پہلا بٹ کوائن ٹریڈنگ پلیٹ فارم تھا۔ اس کا دوسرا طریقہ روبرو خریدوفروخت کا ہے۔ ہم کسی شخص سے فیس ٹو فیس ڈیلنگ کرتے ہین، اسے مقامی کرنسی میں پیسے دیتے ہیں اور بٹ کوائن خرید لیتے ہیں۔

کیا پاکستان میں کرپٹو کرنسی پر پابندی ہوگی؟

امریکا میں کرپٹو کرنسی کو قانونی تحفظ حاصل ہے لیکن سعودی عرب اور دیگر کچھ ممالک نے ڈیجیٹل کرنسی پر پابندی عائد کر رکھی ہے۔ اس لیے ہر شخص کے ملک کے اعتبار سے کرپٹو کرنسی پر اعتماد کی شرح مختلف ہے۔

ایک طرف کرپٹو کرنسی کو فروغ دینے سے پاکستان کو بے شمار فوائد حاصل ہوسکتے ہیں تو دوسری جانب مختلف ممالک میں پابندیوں کے باعث ڈیجیٹل کرنسی کا مستقبل مخدوش نظر آتا ہے۔ وفاقی حکومت کو کرپٹو کرنسی پر واضح لائحہ عمل تشکیل دینا ہوگا۔