پاکستانی سوشل میڈیا و دیگر شعبے تا حال اپنی پسندیدہ فنکار جوڑی، اداکارہ سجل علی اور اداکار احد رضا میر کی طلاق کی خبروں سے پھیلنے والی افسردگی سے باہر نہیں آسکے ہیں جبکہ اس طلاق سے متعلق اب احد رضا میر کی والدہ کی چیٹ کا اسکرین شاٹ منظر عام پر آگیا ہے۔
گزشتہ کئی دنوں سے سجل علی اور احد رضا میر کی علیحدگی سے متعلق خبریں گردش کررہی ہیں جس پر پاکستانی فنکاروں نے بھی اُن کیلئے نیک خواہشات کا اظہار کیا تھا بعدازاں اس حوالے سے سجل علی اور احد رضا میر سمیت اُن کے اہل خانہ کی جانب سے کوئی ردعمل سامنے نہیں آیا۔
حال ہی میں احد رضا میر کے انسٹاگرام پر موجود فین پیج کی جانب سے ایک پوسٹ شیئر کی گئی جس میں اداکار کی والدہ ثمرہ رضا کی چیٹ کا اسکرین شاٹ موجود تھا۔
مذکورہ چیٹ میں انہوں نے طلاق کی خبروں سے متعلق لکھا تھا کہ آپ ان دونوں کے لیے دعا کرو، آپ کی محبت کا شکریہ۔
خیال رہے کہ پوسٹ پر فین پیج کے اکاؤنٹ نے سجل علی اور احد رضا میر سمیت ثمرہ رضا کو بھی ٹیگ کیا۔
یہ بھی پڑھیں:کونسی اداکارہ سجل علی اور احد رضا میر کی علیحدگی کی وجہ بنی؟