گوگل نیوز پر ہمیں فالو کریںکراچی: کورونا وائرس نے سیاستدانوں کی طرف رخ کرلیا، پاکستان پیپلزپارٹی کے مرکزی رہنماء مولا بخش چانڈیو بھی کورونا وائرس کا شکار ہوگئے ہیں۔
پیپلزپارٹی ضلع ملیر کے صدر غلام مرتضیٰ بلوچ کے انتقال کے بعد پارٹی کے مرکزی رہنماء مولا بخش کا کورونا وائرس کا ٹیسٹ مثبت آگیا ہے، جس کے بعد مولا بخش چانڈیو نے خود کو قرنطینہ کرلیا ہے۔
واضح رہے کہ پیپلزپارٹی کے صوبائی وزیر کچی آبادی غلام مرتضیٰ بلوچ کا کورونا وائرس کی وجہ سے آج انتقال ہوگیا تھا۔ غلام مرتضیٰ بلوچ پیپلزپارٹی ضلع ملیر کے صدرتھے۔
سندھ میں کورونا وائرس کے مریضوں کی تعداد 29 ہزار سے تجاوز کرچکی ہے جبکہ سوشل میڈیا پر صرف کراچی میں دس لاکھ متاثرین کے حوالے سے افواہیں زیر گردش ہیں۔
مزید پڑھیں: کورونا وائرس نے سندھ کے وزیر کچی آبادی غلام مرتضیٰ بلوچ کی جان لے لی
