بھارتی فلم انڈسٹری کی شوخ چنچل اداکار پرینیتی چوپڑا نے بالی ووڈ میں اداکاری کے بعد گلوکاری شروع کرنے کی وجہ بتادی۔
بالی ووڈ کی معروف اداکارہ پرینیتی چوپڑا نے ایک انٹرویو کے دوران کہا ہے کہ ”میں نے اداکاری کے بعد اب دوسرے پروفیشن کا آغاز بطور گلوکارہ کیا ہے اور اس پروفیشن میں میرے شوہر راگھو چڈھا نے بہت ساتھ دیا“۔
گلوکارہ کا کہنا تھا کہ راگھو گلوکاری کے حوالے سے میری روزانہ حوصلہ افزائی کرتے ہیں، ایک عوامی شخصیت ہونے کی وجہ سے انہیں میرے شوق کا اندازہ تھا اسی لیے انہوں نے کہا کہ مجھے یہ کرنا چاہیے، اس سے کافی حوصلہ ملا۔
بھارتی اداکارہ کا کہنا تھا کہ وہ میری گلوکاری کے جذبے اور جنون سے بخوبی واقف ہیں، اس لیے اب میری کوشش ہے کہ پلے بیک سنگنگ کی جانب قدم بڑھاؤ۔میرے شوہر میرے ریڑھ کی ہڈی کی مانند ہیں۔