گوگل نیوز پر ہمیں فالو کریںاسلام آباد :وفاقی وزیر منصوبہ بندی و ترقیات اور سربراہ نیشنل کمانڈ اینڈ آپریشن سینٹر اسد عمر نے کہا ہے کہ گزشتہ روزایک لاکھ 64ہزار سے زائد افراد کو ویکسین لگائی گئی۔
اپنے بیان میں وفاقی وزیر نے کہاکہ گزشتہ روز پہلی دفعہ کسی بھی ایک دن میں ویکسین لگانے کی تعداد ڈیڑھ لاکھ سے تجاوز کر گئی، گزشتہ روزایک لاکھ چونسٹھ ہزار سے زائد افراد کو ویکسین لگائی گئی۔ انہوں نے کہاکہ گزشتہ روز پہلا دن تھا کے 40 سال اور اس سے زیادہ عمر کے لوگوں کو ویکسین لگائی گئی۔
واضح رہے کہ پاکستان میں کورونا کے 3 ہزار 377 نئے کیسز رپورٹ ہوئے ہیں جبکہ گزشتہ 24 گھنٹوں کے دوران وائرس کا شکار ہونے والے 161 مزید شہری انتقال کر گئے۔
کل پہلی دفعہ کسی بھی ایک دن میں ویکسین لگانے کی تعداد ڈیڑھ لاکھ سے تجاوز کر گئی. کل ایک لاکھ چونسٹھ ہزار سے زائد افراد کو ویکسین لگائ گئ. کل پہلا دن تھا کے 40 سال اور اس سے زیادہ عمر کے لوگوں کو ویکسین لگائ گئ.
— Asad Umar (@Asad_Umar) May 4, 2021
