صوبہ پنجاب کے بڑے شہر ملتان میں بجلی فراہم کرنے والے ادارے میپکو کی ٹیموں نے کارروائی کرتے ہوئے 1 ہزار 520 بجلی چوروں کو گرفتار کر لیا جن پر بھاری جرمانے عائد کیے گئے ہیں۔
ملتان الیکٹرک پاور کمپنی (میپکو) کے ڈائریکٹر برائے تعلقاتِ عامہ جمشید نیازی کے مطابق فروری کے دوران 22 لاکھ 61 ہزار یونٹس کا پتہ چلایا گیا جن میں بجلی چوری کی شکایت تھی۔
بجلی چوری کی شکایت پر کارروائی کرتے ہوئے میپکو ٹیموں نے 1 ہزار 520 بجلی چوروں کو پکڑ لیا جن کے خلاف مجموعی طور پر 32 ایف آئی آرز کا اندراج کیا گیا۔
میپکو ٹیموں کے پکڑے گئے بجلی چور صارفین پر بھاری جرمانے بھی عائد کیے گئے۔ بجلی چوروں کو مجموعی طور پر 3 کروڑ 79 لاکھ روپے کا جرمانہ ادا کرنا پڑے گا۔
میپکو ٹیموں نے رواں ماہ میں 1520بجلی چورپکڑلئے۔22لاکھ61ہزاریونٹس ڈیٹیکٹ کر کے ان افراد پر 3کروڑ79لا کھ روپے جرمانہ عائد۔32 ایف آئی آرز درج @zafaryabkhan pic.twitter.com/hxr3XUj52f
— Jamshaid niazi (@Jamshaidniazi7) February 17, 2020
یاد رہے کہ اس سے قبل سابق رکن قومی اسمبلی اور عوامی راج پارٹی کے سربراہ جمشید دستی کو آئل ٹینکر عملےکےاغوا اورتیل چوری کے مقدمے میں مظفر گڑھ پولیس نے ملتان سے گرفتارکرلیا۔
سابق رکن قومی اسمبلی جمشیددستی کو مظفرگڑھ پولیس نے12 روز قبل گیلانی ہاؤس کےقریب سےگرفتارکیا۔ ان پر آئل ٹینکرعملےکواغوااورتیل چوری کامقدمہ درج ہے۔
مزید پڑھیں: جمشیددستی آئل ٹینکر سے تیل چوری کرنےکے الزام میں گرفتار