گوگل نیوز پر ہمیں فالو کریںاسلام آباد: وفاقی حکومت نے پاکستان کے 75ویں یومِ آزادی 14اگست 2022 کیلئے لوگو ڈیزائن کے مقابلے کا اعلان کیا ہے۔ جیتنے والے گرافک ڈیزائنر کو 5 لاکھ روپے انعام دیا جائے گا۔
سماجی رابطے کی ویب سائٹ ٹوئٹر پر اپنے پیغام میں وفاقی وزارتِ اطلاعات و نشریات نے کہا کہ پاکستان کی آزادی کے 75ویں سال یعنی ڈائمنڈ جوبلی کے موقعے پر لوگو ڈیزائن کا مقابلہ رکھا گیا ہے۔
عمران نیازی کے تکبر پر پاکستان قربان نہیں کرسکتے۔وزیراعظم
ٹوئٹر پیغام میں وزارتِ اطلاعات و نشریات کا کہنا ہے کہ لوگو ڈیزائن کا مقابلہ جیتنے والے کو 5 لاکھ روپے کا انعام دیا جائے گا۔ لوگو کا ڈیزائن 15 مئی 2022ء تک دئیے گئے پتے پر ای میل کیا جاسکتا ہے۔
وزارتِ اطلاعات و نشریات کا مزید کہنا ہے کہ حکام کو کسی بھی لوگو ڈیزائن کو وجہ بتائے بغیر مسترد یا منظور کرنے کے علاوہ کسی بھی وقت مقابلہ منسوخ کرنے کا اختیار حاصل ہے۔ ای میل اور ویب سائٹ ایڈریس شائع کردیا گیا۔
— Ministry of Information & Broadcasting (@MoIB_Official) May 9, 2022
واضح رہے کہ لوگو ڈیزائن کے متعلق ہدایات ڈائریکٹوریٹ آف الیکٹرانک میڈیا اینڈ پبلیکیشنز کی ویب سائٹ سے حاصل کی جاسکتی ہیں۔ ہدایات کے مطابق لوگو ڈیزائن 15 مئی تک ای میل کرنے پر ہی مقابلے میں شمولیت اختیار کی جاسکے گی۔
