بھارتی فلم انڈسٹری کے معروف اداکار پلکت سمراٹ اور کریتی کھربندا نے منگنی کرلی۔
بالی ووڈ کی معروف جوڑی کی تصاویر سوشل میڈیا پر گردش کررہی ہیں، جس پر مداحوں کی جانب سے نیک تمناؤں کا اظہار کیا جارہا ہے۔
ویرے کی ویڈنگ کے ساتھی اداکار کریتی کھربندا اور پلکت کئی سالوں سے ایک دوسرے کو ڈیٹ کررہے ہیں۔
پلکت کی بہن ریا سمراٹ نے انسٹاگرام پر خاندانی تصاویر شیئر کیں جس میں کریتی کھربندا نے نیلے رنگ کا لباس زیب تن کیا ہے جبکہ دونوں نے ہاتھ میں انگوٹھی بھی پہنی ہوئی ہے۔
واضح رہے کہ سمراٹ اور کھربندا 2019 سے ڈیٹنگ کررہے ہیں۔سمراٹ نے اس سے قبل 2014 میں اس وقت کی گرل فرینڈ شویتا روہیرا سے شادی کی تھی جو کہ سلمان خان کی راکھی بہن ہیں تاہم دونوں کی شادی کامیاب نہ ہوسکی تھی۔