اسلام آباد: وزیراعظم عمران خان نے کہا ہے کہ نیب ترامیم پر میڈیا اور اپوزیشن پارٹیاں بھی تنقید کر رہی ہیں، نیب آرڈیننس پر شورمچانے والوں کو پہلے ترمیم پڑھ لینی چاہیے۔
اسلام آباد میں وزیراعظم عمران خان نے سول سرونٹس سے خطاب کرتے ہوئے کہا کہ نیب آرڈیننس میں ترمیم حکومت کیلئے مشکل فیصلہ تھا، جمہوریت میں سیاسی مشاورت اور اتفاق رائے سے چلنا ہوتا ہے،لیکن اپوزیشن نے آرڈیننس پڑھے بغیر واویلا مچایا۔
وزیراعظم عمران خان کا کہنا تھا کہ کاروباری معاملات میں نیب کی مداخلت نہیں ہونی چاہیے، نیب کے خوف سے ترقیاتی منصوبوں میں بیوروکریسی کا کردار محدود ہوگیا تھا، اس لئے ہم نے فیصلہ کیا کہ پروسیجرل غلطیوں کی وجہ سے بیوریسی پر سے نیب کا خوف ختم کیاجائے۔
وزیراعظم نے کہا کہ تاجر تو نیب کے دائرہ کار میں نہیں آتے اور جہاں تک ٹیکسز کاتعلق ہے تو یہ ویسے ہی ایف بی آر کاکام ہے نیب کاعمل دخل نہیں بنتا ،یہ بات میں نے چیئر مین نیب کو بھی سمجھائی ہے کہ نیب کا مینڈیٹ کرپشن کیسز کو پکڑنا ہوتا ہے۔
یہ بھی پڑھیں: متحدہ عرب امارات کے ولی عہد کی وزیراعظم عمران خان سے ملاقات