گوگل نیوز پر ہمیں فالو کریںپاکستانی فلم انڈسٹری کے مشہور اداکار شان شاہد نے کہا ہے کہ وفاقی حکومت کو ہاؤسنگ کے شعبے کی طرح فنونِ لطیفہ اور ثقافت کے شعبے پر بھی توجہ دینے کی ضرورت ہے۔
سماجی رابطے کی ویب سائٹ ٹوئٹر پر اپنے پیغام میں اداکار شان شاہد نے وزیرِ اعظم پاکستان عمران خان کو مخاطب کرتے ہوئے کہا کہ جناب وزیرِ اعظم صاحب! آپ تعمیراتی شعبے میں شاندار پالیسی لائے ہیں جس سے ان شاء اللہ نئی ملازمتیں تخلیق ہوں گی اور پاکستانی معیشت ترقی کرے گی۔
اداکار شان نے کہا کہ میری خصوصی درخواست ہے کہ ثقافتی پالیسی کیلئے بھی ایسی ہی اصلاحات لائی جائیں تاکہ فلم، آرٹ، موسیقی اور ٹی وی بھی ملک کی معیشت کو ترقی یافتہ اور مضبوط بنانے کیلئے اپنا کردار ادا کرسکے اور ہم ثقافتی شعبے میں برآمدات کے ذریعے قیمتی زرِ مبادلہ حاصل کریں۔
@ImranKhanPTI dear PM a great policy for the housing sector .. inshaALLAH new jobs and economy will rise .. a special request pls do the same for the cultural policy . So ..film , art , music and tv can do its part in the development of a strong economy and cultural exports♥️🇵🇰⭐️
— Shaan Shahid (@mshaanshahid) July 12, 2020
یہ بھی پڑھیں: جانوروں کی حالت قابلِ رحم، شان کا چڑیا گھر بند کرنے کا مطالبہ
