گوگل نیوز پر ہمیں فالو کریںوزیراعظم کے معاونِ خصوصی برائے صحت ڈاکٹر ظفر مرزا نے اعلان کیا ہے کہ پولیو کے خلاف 3 روزہ ملک گیر مہم کا آغاز کل سے کیا جائے گا، تمام والدین بچوں کو پولیو کے قطرے پلوائیں۔
سماجی رابطے کی ویب سائٹ ٹوئٹر پر اپنے پیغام میں ڈاکٹر ظفر مرزا نے کہا کہ پولیو مہم کے دوران 5 سال سے کم عمر تمام بچوں کو پولیو ویکسین کے قطرے پلائے جائیں گے۔
معاونِ خصوصی برائے صحت ڈاکٹر ظفر مرزا نے کہا کہ قومی مہم کے دوران 2 لاکھ 65 ہزار پولیو ورکرزملک بھر میں بچوں کو پولیو کے قطرے پلائیں گے۔
ڈاکٹر ظفر مرزا نے بتایا کہ ملک بھر میں 5 سال سے کم عمر بچوں کی تعداد 3 کروڑ 96 لاکھ ہے۔ انہوں نے عوام سے درخواست کی کہ اس پیغام کو زیادہ سے زیادہ دوسروں تک پہنچائیں تاکہ ہر بچہ پولیو کے قطرے پی سکے۔
کل سے ملک بھر میں قومی انسداد پولیو مہم کا آغاز ہوگا، جس میں 3 کروڑ 95 لاکھ سے زائد بچوں کو 2 لاکھ 65 ہزار ورکرز پولیو سے بچاؤ کے قطرے پلائیں گے۔ یہ پیغام سب تک پہنچائیں، مستقبل محفوظ بنائیں۔
— Zafar Mirza (@zfrmrza) December 15, 2019
یاد رہے کہ اس سے قبل وزیر اعظم کے معاون خصوصی برائے صحت ڈاکٹر ظفر مرزا نے کہا کہ وفاق صوبوں کے ساتھ ملکر ایڈز کے خاتمے کیلئے پرعزم ہے۔
انہوں نے 13 روز قبل خطاب کرتے ہوئے کہا کہ ایڈزکے تدارک کیلئے وزارت صحت مؤثر اقدامات کو یقینی بنارہی ہے۔ ایڈز کے تدارک کیلئے نیشنل ایکشن پلان بن چکا ہے جس کا مقصد استعمال شدہ سرنجوں پر پابندی لگانا ہے۔
مزید پڑھیں: ایڈز کے تدارک کیلئے نیشنل ایکشن پلان بن گیا۔ ڈاکٹر ظفر مرزا
