گوگل نیوز پر ہمیں فالو کریںکراچی :کراچی بحریہ ٹاؤن کے ہیڈ آفس میں گزشتہ کئی گھنٹوں سے کراچی متاثرین کا دھرنا جاری ہے۔ اس دھرنے میں اولڈ بی ٹی کے، اسپورٹس سٹی اور پیراڈائز کے وہ متاثرین موجود ہیں جنھیں قسطیں وصول کرنے کے بعد صرف پلاٹوں کے نمبر دیے گئے ہیں تاہم اراضی کا کوئی وجود نہیں۔
گزشتہ تین ماہ سے بحریہ ٹاؤن انتظامیہ کی ٹال مٹول کے بعد واٹس ایپ گروپس کے زریعے ایک دوسرے سے رابطے میں آنے والے متاثرین اب یہاں Victims of Bahria Town کی صورت میں یہاں جمع ہیں۔
واٹس ایپ کے ایک گروپ میں زیادہ سے زیادہ 250 کونٹیکٹس کو رکن بنایا جاسکتا ہے اور اس وقت ان متاثرین کے ایسے 8 گروپ متحرک ہیں۔ انہی گروپس سے دی جانے والی کال کے تحت بحریہ ٹاؤن میں صبح ساڑھے نو بجے سے دھرنا جاری ہے جن کی قیادت ان گروپس کے ایڈمن کررہے ہیں۔
گروپ ایڈمنز میں شامل اعجاز ملک نے بتایا کہ آج یہاں تین کیٹگریز کے متاثرین موجود ہیں۔ ان میں سے صرف اولڈ بی ٹی کے میں شہریوں کی تقریبا 2ارب کی سرمایہ کاری پھنسی ہوئی ہے۔ 125, 250 گز کے پلاٹس ،اسپورٹس سٹی، پیراڈائز میں پلاٹوں کی اقساط ادا کرنے کے باوجود زمین سے محروم افراد کی ایک بڑی تعداد گزشتہ کئی گھنٹوں سے بحریہ ٹاؤن کے ہیڈ آفس میں دھرنا دیے بیٹھے ہیں۔
مزید پڑھیں : نابینا افراد کا مطالبات کے حق میں پنجاب اسمبلی کے سامنے مال روڈ پر دھرنا
