کراچی: قومی باؤلنگ کوچ وقار یونس نے کہا ہے کہ بھارت میں فلمی دنیا کی 2 شخصیات انتقال کر گئیں جس سے بالی وود سینما کے لیے رواں ہفتہ تکلیف دہ ثابت ہورہا ہے۔
سماجی رابطے کی ویب سائٹ ٹوئٹر پر اپنے پیغام میں قومی کرکٹ ٹیم کے سابق فاسٹ باؤلر اور موجودہ باؤلنگ کوچ وقار یونس نے سینئر بھارتی فنکار رشی کپور کے انتقال پر تعزیت کا اظہار کرتے ہوئے کہا کہ آج میرا دل ٹوٹ گیا ہے۔
تعزیتی پیغام میں وقار یونس نے کہا کہ سینما کی دنیا میں رواں ہفتہ تکلیف دہ ثابت ہورہا ہے جبکہ رشی کپور کے انتقال سے فلمی دنیا کا ایک عہد اختتام پذیر ہوا لیکن آپ ہمارے دلوں میں ہمیشہ زندہ رہیں گے۔
باؤلنگ کوچ وقار یونس نے کہا کہ کپور خاندان کیلئے نیک خواہشات رکھتا ہوں۔ رشی کپور کے انتقال پر رنبیر کپور سمیت تمام اہلِ خانہ سے ہمدردی ہے۔
Heart Broken 💔. Terrible week for the World cinema. An era ends with your demise but you will stay in our Hearts forever. My deepest condolences to the Kapoor family.#RIP #Legend pic.twitter.com/wVLxqD5INW
— Waqar Younis (@waqyounis99) April 30, 2020