گوگل نیوز پر ہمیں فالو کریںچکوال: موٹروے پولیس کے اہلکاروں سے بدتمیزی اور بدسلوکی کرنے والی دو خواتین کی ویڈیو سوشل میڈیا پر وائرل ،سر عام پولیس اہلکاروں کو گالیاں اور دھمکیاں دینے والی خواتین نے پولیس اہلکاروں پرایک خاتون کو زخمی کرنے کا الزام لگادیا۔
وائرل ہونے والی ویڈیو میں دو خواتین کو موٹروے پولیس اہلکاروں کی فلم بناتے ، بدتمیزی کرتے اور پولیس اہلکاروں کوگالیاں دیتے ہوئے دیکھا جا سکتا ہے۔
خواتین کو یہ الزام لگاتے ہوئے سنا گیا کہ موٹروے کے اہلکاروں نے ایک خاتون کو اس کا موبائل فون “چھیننے” کی کوشش کے دوران زخمی کرنے کا الزام لگایا، ایک خاتون نے الزام لگایا کہ موٹروے پولیس اہلکار نے ان سے رشوت طلب کی۔
جب کسی کے پاس اوقات سے زیادہ آ جاۓ تو وہ اپنی اصلیت ضرور دکھاتا ہے۔ خواتین کی زبان اور لہجہ انکی اصلیت اور خاندان بتانے کے لیے کافی ہے۔ Well done motorway Police, you behaved professionally 👍🏼 pic.twitter.com/1HSSqq6Vjt
— Green (@PakPower8) May 1, 2024
دریں اثناموٹروے پولیس نے اس حوالے سے ایک بیان جاری کرتے ہوئے کہا ہے کہ ان کے اہلکاروں نے پنجاب کے ضلع چکوال میں کلر کہار ٹاؤن کے قریب خواتین کو “تیز رفتاری پر روکا تھا۔
خاتون انتہائی لاپرواہی اور تیز رفتاری سے گاڑی چلا رہی تھی، روکنے پر خواتین نے موٹروے پولیس اہلکاروں کے ساتھ بدتمیزی کی اور انہیں دھمکیاں دیں۔
پولیس نے بتایا کہ خواتین نے اپنی گاڑی سڑک سے ہٹانے سے انکار کر دیا، موٹر وے بلاک کر دی اور بدتمیزی جاری رکھی۔
بعد ازاں دونوں خواتین جرمانہ ادا کیے بغیر موقع سے فرار ہو گئیں،پولیس قانون کی خلاف ورزی کرنے والوں کے خلاف قانونی کارروائی کر رہی ہے۔
