اسلام آباد: وزیرِ اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ رمضان المبارک کے دوران عوام گھروں میں رہ کر تراویح میں شریک ہوسکیں گے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے کہا کہ رحمتوں اور مغفرتوں کے بابرکت ماہِ صیام کا آغاز ہونے والا ہے جبکہ وزیرِ اعظم کی ہدایت پر پی ٹی وی نے نمازِ تراویح براہِ راست دکھانے کا انتظام کیا ہے۔
وزیرِ اعظم کی معاونِ خصوصی نے کہا کہ ہمیشہ کی طرح ماہِ رمضان کی رحمتوں سے ہر گھر روشن و منور ہوگا۔ کورونا وائرس جیسی عالمی وباء کے دور میں عوام اپنے گھروں میں رہتے ہوئے نمازِ تراویح میں شریک ہو کر فیوض و برکات سمیٹیں گے۔
رحمتوں اورمغفرتوں کےبابرکت ماہ صیام کا آغازہونےجارہاہے۔وزیراعظم کی ہدایت پرپی ٹی وی نےنمازِتراویح براہ راست دکھانےکااہتمام کیاہے۔ ہمیشہ کی طرح ماہ رمضان کی رحمتوں سے ہرگھرروشن ومنورہوگا۔ وباکے اس دور میں عوام اپنے گھروں میں رہتے ہوئےنمازتراویح میں شریک ہوکر فیوض وبرکات سمیٹیں گے۔ pic.twitter.com/MffJFnuVb0
— Dr. Firdous Ashiq Awan (@Dr_FirdousAwan) April 23, 2020
یاد رہے کہ اس سے قبل رمضان کا چاند دیکھنے کے لئے مرکزی رویت ہلال کمیٹی کااجلاس آج شام کو کراچی میں منعقدہوگا۔
وزارت مذہبی امور کے ترجمان کا 2 روز قبل کہنا تھا کہ مرکزی رویت ہلال کمیٹی کا اجلاس کراچی میں مفتی منیب الرحمان کی زیر صدارت ہوگا۔
مزید پڑھیں: رمضان کا چاند دیکھنے کیلئے رویت ہلال کا اجلاس آج ہوگا